Нарадзіўся ў сяле Святое Рагачоўскага павета Магілёўскай губерні (цяпер вёска Кірава, Рагачоўскі раён, Гомельская вобласць).

У 1922 г. – у радах РСЧА. Да пачатку Вялікай Айчыннай вайны жыў у г. Віцебску. Дацэнт біёлага-хімічнага факультэта Віцебскага педагагічнага інстытута (з 1934 г. установе прысвоена імя С. М. Кірава).

14.09.1942 г. – прызваны ў армію Качкарскім РВК, г. Чалябінск. Да 14.07.1943 г. служыў камандзірам агнявога ўзвода 10-й пушачнай артылерыйскай брыгады рэзерву галоўнага камандавання. Малодшы лейтэнант. 14.07.1943 г. трапіў у палон каля в. Аляксандраўка, Белгародская вобл., да 22.04.1945 г. знаходзіўся ў Шталагу ІІІ–А, г. Лукенвальд, Германія. 22.04.1945 г. – вызвалены з лагера Чырвонай арміяй. 27.09.1945 г. праходзіў дзяржаўную праверку ў 55-м запасным стралковым палку запасной стралковай дывізіі. Дэмабілізаваны 19.12.1945 г.

01.08.1946 г. прыняты на працу ў Дзяржбібліятэку БССР галоўным бібліёграфам. Дата звальнення невядома.