З сям’і сялян. Нарадзілася ў с. Сакур, Саратаўскі пав., Саратаўская губ., цяпер Тацішчаўскі р-н, Саратаўская вобл., Расія.

Скончала сямігадовую школу ў родным сяле (1933). Затым да 1936 г. вучылася ў Саратаўскім бібліятэчным тэхнікуме. Прысвоена кваліфікацыя «Загадчык раённай бібліятэкі». 1936–1937 гг. – праца ў аддзеле перыёдыкі/перыядычных выданняў абласной бібліятэкі, г. Саратаў. 1937 – ліпень 1942 гг. – загадчык аддзела перыядычных выданняў абласной бібліятэкі, г. Саратаў. У 1938 г. паступіла на бібліятэказнаўчы факультэт Маскоўскага дзяржаўнага бібліятэчнага інстытута, скончыла 3 курсы (1940). Член ВКП(б). Сакавік – ліпень 1942 гг. – курсы прапагандыстаў ЦК ВКП(б), г. Куйбышаў. Ліпень 1942 – люты 1943 гг. – бібліятэкар Райпарткабінета і прапагандыст аддзела прапаганды і агітацыі ў Волжскім РК ВКП(б), г. Саратаў. Люты 1943 – студзень 1944 г. – загадчык парткабінета пры Кіраўскім РК ВКП(б), г. Растоў-на-Доне. Студзень/люты – ліпень 1944 г. – курсы лектараў пры ЦК ВКП(б), г. Масква. Ліпень/жнівень 1944/1945 – жнівень 1945 гг. – лектар пры ГК КП(б)Б, г. Мінск.

06.12.1946 г. прынята на працу ў Дзяржбібліятэку БССР загадчыкам кнігазахоўвання. 19.05.1947 г. звольнена ў сувязі з пераездам на новае месца жыхарства. 1947 – да 03.04.1954 гг. – намеснік дырэктара Пінскай абласной бібліятэкі. 03.04.–17.12.1954 г. – бібліёграф цэнтральнай гарадской бібліятэкі, г. Пінск. 17.12.1954–1961 гг. – загадчык гарадской бібліятэкі імя Я. Купалы, г. Брэст. У 1961 г. прызначана дырэктарам абласной дзіцячай біблятэкі імя М. Горкага, г. Брэст. У 1967 г. прысвоена званне “Заслужаны дзеяч культуры БССР”. З 03.01.1974 г. на пенсіі.

Узнагароды: медаль “За доблесную працу ў Вялікай Айчыннай вайне 1941–1945 гг.” (05.03.1946).