Паўлючэнка Іван Мікітавіч

Date of Birth: 04.10.1913 Расія

Date of death: пасля 1985

Quick reference: работнік бібліятэкі (інспектар па кадрах), удзельнік Вялікай Айчыннай вайны, узнагароджаны ордэнамі Чырвонай Зоркі, Чырвонага Сцяга, Айчыннай вайны ІІ ст., медалямі

Names in other languages: Павлюченко Иван Никитович (russian);

З сям’і сялян. Нарадзіўся ў в. Вольгаўка, Цюкалінскі пав., Табольская губ., цяпер Омская вобл., Расія.

Скончыў двухгадовую школу ФЗН пры заводзе імя У. І. Леніна (1933). Экстэрнам здаў экзамены за СШ, г. Краснагораўка, Сталінская вобл. (1934). Коксавоз/качагар газагенератарнай станцыі, цэх № 3 (10.1933–04.1934), планавік канторы (04.1934–04/05.1935) завода імя У. І. Леніна, г. Краснагораўка, Сталінская вобл.

26.04.1935 г. прызваны ў рады РСЧА Сталінскім АблВК, накіраваны на службу ў воінскую часць № 5800, г. Кіеў. Курсант вучэбна-танкавага батальёна 45-га механізаванага корпуса (05.1935–05.1936). Старшына Упраўлення 4-й цяжкатанкавай брыгады (05.1936–05.1938). Загадчык справаводствам Упраўлення 10-й танкавай брыгады (05.1938–07.1939). Загадчык сакрэтным справаводствам Палітупраўлення Кіеўскай асобай ВА (ліпень – лістапад 1939). Начальнік агульнай часці Палітупраўлення Адэскай ВА (11.1939–06.1941).

Памочнік начальніка 4-й часці 87-га танкавага палка 44-й танкавай дывізіі 16-га танкавага корпуса, Паўднёва-Заходні, Паўднёвы франты (22.06–15.08.1941). Інструктар Палітупраўлення Адэскай ВА (08–10.1941). Член ВКП(б) з 01.1942 г. Інструктар палітаддзела 46-й асобнай стралковай брыгады, Заходні фронт (15.11.1941–10.02.1942). Інструктар палітаддзела 46-й асобнай стралковай брыгады 319-й стралковай дывізіі, 22-я армія/палітаддзела 22-й арміі, Паўночна-Заходні, Калінінскі, 2-гі Прыбалтыйскі, 4-ты Украінскі фронты (10.02.1942–09.05./08.1945). Капітан (на 04.1945).

Слухач Ваенна-юрыдычнай акадэміі, г. Масква (07/08.1945–02/05.1950).

Атрымаў спецыяльнасць “юрыст”. Маёр (24.07.1947). Член Ваеннага трыбунала Мінскага гарнізона (02/05.1950–09.07.1951). Старшыня Ваеннага трыбунала (09.07.1951–30.10./12.1953), намеснік сакратара Партыйнай камісіі (12.1951–12.1953) 29-й танкавай дывізіі. Падпалкоўнік юстыцыі (26.12.1951). Член Ваеннага трыбунала Беларускай ВА (12.1953–30.04.1958). Старшыня Ваеннага трыбунала гарнізона г. Секешфехервар, ВНР, Паўднёвая група войск (30.04.1958–12.12.1959/04.1960). Звольнены ў запас (05.1960).

10.12.1960–10.10.1963 гг. – кіруючы справамі (загадчык кадрамі/інспектар па кадрах) Дзяржбібліятэкі БССР. Загадам Міністра культуры БССР ад 09.10.1963 г. пераводам назначаны старшым інспектарам па кадрах Упраўлення кадраў, вучэбных устаноў і навуковых арганізацый Міністэрства культуры БССР.

Узнагароды: ордэны Чырвонай Зоркі (28.08.1944, 15.11.1950), Чырвонага Сцяга (30.12.1956), Айчыннай вайны ІІ ст. (06.04.1985), медалі, “За абарону Масквы” (01.05/08.1944), “За баявыя заслугі” (30.04/06.1945), “За перамогу над Германіяй у Вялікай Айчыннай вайне 1941–1945 гг.” (09.05.1945), “За абарону Кіева” (21.06.1961).