Галіна Мікалаеўна Кірыленка нарадзілася ў в. Гарадок, Магілёўскага павета Гомельскай губерні РСФСР (магчыма, цяпер в. Гарадок, Глускі раён Магілёўскай вобласці).

Оперупаўнаважаная ў Рэспубліканскім праўленні міліцыі, вяла справы безпрытульнікаў, дробных злачынцаў і заблудных (да 08.1941).

У пачатку Вялікай Айчыннай вайны эвакуіравана ў г. Саратаў, работнік сельсавета, збірала ваенны падатак, потым накіравана на шасцімесячныя курсы. У пачатку 1942 г. накіравана па размеркаванні ў г. Калінін. Пазней пераведзена ў падраздзяленне НКУС, якое займалася ваеннай цэнзурай. Дабраволец 252-й стралковай дывізіі, Заходні фронт (01.08.1943), санітар эвакуацыйна-транспартнага ўзвода 269-га асобнага медыка-санітарнага батальёна. Служба ў складзе 269-й мотастралковай брыгады 927-га стралковага Чырванасцяжнага палка (1943–1945). Разам з 251-й стралковай дывізіяй 3-га Беларускага фронту прымала ўдзел у вызваленні Беларусі, Латвіі, Літвы. Вярнулася на радзіму (1946).

Скончыла МДПІ імя А. М. Горкага (1948), прысвоена кваліфікацыя «бібліятэкар».

Загадчык абанемента філіяла Дзяржбібліятэкі БССР – бібліятэкі ЦК КПБ (12.1948–11.1961). Старшы бібліёграф (з 11.1961), старшы рэдактар аддзела апрацоўкі/сектара аддзела апрацоўкі і каталогаў (з 1970), галоўны бібліятэкар (з 01.10.1978), загадчык сектара прадметызацыі і арганізацыі прадметных каталогаў (01.10.1979–16.01.1980), на часовай працы на пасадзе загадчыка сектара прадметызацыі і арганізацыі прадметнага каталога аддзела апрацоўкі (з 21.01.1980), старшы бібліятэкар/бібліёграф (20.04.1980–31.03.1981) Дзяржбібліятэкі БССР.

Узнагароды: ордэн Айчыннай вайны ІІ ст. (06.04.1985), медалі «За баявыя заслугі» (05.01.1944), «За ўзяцце Кёнігсберга» (1945), «За перамогу над Германіяй у Вялікай Айчыннай вайне 1941–1945 гг.» (05.1945), значок Міністэрства культуры СССР «За выдатную працу» (?). Вылучана на Дошку гонару Дзяржбібліятэкі БССР за выкананне вытворчага плана і сацыялістычных абязальніцтваў (1972).

Месца пахавання: Паўночныя могілкі (калумбарый), г. Мінск.