З сям’і рабочых.

1922–1929 гг. – вучоба ў сямігадовай школе. 1929–1935 гг. – праца электраманцёрам на заводзе “Чырвоная зара”, г. Мінск. 1935–1937 гг. – служба ў радах РСЧА, г. Бабруйск. 1937–1939 гг. – праца электраманцёрам на заводзе “Чырвоная зара”, г. Мінск. Прымаў удзел у Вызваленчым паходзе РСЧА ў Заходнюю Беларусь, Савецка–фінляндскай вайне (1939–1940). 1940–06.1941 гг. – электраманцёр на заводзе “Чырвоная зара”.

У 1941–1945 гг. удзельнічаў у Вялікай Айчыннай вайне. Пасля 22.06.1941 г. прызваны Сталінскім РВК, г. Мінск. У 1941 г. прымаў удзел у абароне Масквы. Быў ранены. 04.04.1943 г. выпісаны з эвакуацыйнага шпіталя. Ваяваў у радах 236-й зенітна-артылерыйскай дывізіі, 5-я армія. У 1944 г. прыняты ў партыю. 06.04–09.04.1945 гг. – прымаў удзел у Кёнігсбергскай аперацыі.

1946–1948 гг. – электраманцёр у ЦК КП(б)Б, г. Мінск. 15/16.06.1948–22/25.06.1948г. – электраманцёр у Дзяржаўнай бібліятэцы БССР.

Узнагароды: медалі “За абарону Масквы” (04.08.1944), “За перамогу над Германіяй у Вялікай Айчыннай вайне 1941–1945 гг.” (14.11.1945), “За ўзяцце Кёнігсберга” (14.11.1946).