З сям’і рабочых. Нарадзіўся ў г. п. Нова-Барысаў, Мінская акруга БССР (зараз уваходзіць у склад г. Барысава).

Скончыў 7 класаў сярэдняй школы (1940), г. Барысаў. 1940 – чэрвень 1941 гг. – вучоба ў Будаўнічым тэхнікуме, г. Мінск. Чэрвень 1941 – ліпень 1944 гг. пражываў на акупіраванай тэрыторіі, г. п. Нова-Барысаў. 1943–1944 гг. – праца на заводзе “Металіст”, г. Барысаў. 1944–1945 гг. –пяхотны разведчык 71-й Стралковай дывізіі і 74-й Асобнай разведвальнай роты 2-га Беларускага фронту. Ваяваў на тэрыторыі Польшчы і Германіі, дайшоў да Берліна. Быў ранены і кантужаны. У 1947 г. дэмабілізаваны з радоў Савецкай арміі. 1947–1950 гг. – вучоба ў Беларускім палітэхнічным інстытуце (з 2002 г. БНТУ), г. Мінск. 1950–1952 гг. – прараб у Будаўнічым упраўленні № 7 Трэста № 2, г. Мінск. 1952–1954 гг. – вучоба на будаўнічым факультэце Беларускага політэхнічнага інстытута (паскораны курс для тэхнікаў-будаўнікоў) і праца ў вытворча-тэхнічным аддзеле Трэста № 29, г. Мінск. 1954–1955 гг. – старшы прараб Трэста № 12. 1955–1956 гг. – галоўны інжэнер Будаўніча-мантажнага ўпраўлення № 1. 1956–1958 гг. – праца ў Дзяржаўным архітэктурна-будаўнічым кантролі, г. Мінск. 20.04.1958–1.11.1958 гг. – працаваў (па сумяшчальніцтве) у Дзяржбібліятэцы БССР на пасадзе інжынера за тэхнічным наглядам па будаўніцтву кнігасховішча.

Узнагароды: ордэн Айчыннай вайны ІІ ст. (1.08.1986 г.)