Пархоменка Сяргей Фёдаравіч

Date of Birth: 12 ці 13 студзеня 1902 Калінкавіцкі раён, Гомельская вобласць

Date of death: ?

Quick reference: работнік бібліятэкі, ваенны дзеяч, удзельнік Вялікай Айчыннай вайны, узнагароджаны двума ордэнамі Чырвонай Зоркі, ордэнамі Чырвонага Сцяга, Айчыннай вайны І і ІІ ст., медалямі

Names in other languages: Пархоменко Сергей Фёдорович (russian);

Нарадзіўся ў в. Шарэйкі Рэчыцкага павета Мінскай губерні (цяпер Калінкавіцкі раён, Гомельская вобласць) у сям’і сялян.

Вучоба ў СШ, в. Шарэйкі/м. Юравічы (1913–1917). Вучыўся шавецкаму рамяству ў шаўца-кустара, м. Юравічы (1918–1920). Займаўся рамонтам абутку, працаваў у гаспадарцы бацькі, летам пасвіў жывёл, в. Шарэйкі (1921–1924). Прызваны ў рады РСЧА Рэчыцкім павятовым ваенным камісарыятам (01.05.1924). Чырвоноармеец, камандзір звяна сувязі/малодшы камісар 11-га цяжкага артылерыйскага дывізіёна, Беларуская ВА, г. Карачаў, Бранская вобл. (01.05.1924–25.09.1925). Член ВКП(б) з 1926 г. Займаўся сельскай гаспадаркай, зімой вучыўся ў школе пры Юравіцкім Райкаме КП(б)Б / партшколе, в. Шарэйкі і м. Юравічы, Гомельская губ. (1925–04.1926). Справавод у Народным судзе, м. Юравічы (красавік – чэрвень 1924). Загадчык справаводства ваеннага стала ў Райвыканкаме, м. Юравічы (04/06.1926–09.1927). Вучоба ў Палітасветтэхнікуме, г. Магілёў (09.1927–04.1930). Прысвоена кваліфікацыя “арганізатар і метадыст клубнай работы”. Інструктар палітасветработы у Райвыканкаме, г. Магілёў (красавік – кастрычнік 1930). Сакратар партячэйкі, в. Пашкова, Магілёўскі р-н (май – лістапад 1930). Намеснік старшыні і сакратар партбюро Райкалгассаюза, г. Магілёў (10/11.1930–11.1931). Член бюро Райкама КП(б)Б, г. Магілёў (06.1930–10.1931; 11.1930–11.1931). Прызваны ў рады РСЧА Магілёўскім абласным ваенным камісарыятам (05.11.1931). Паліткіраўнік батарэі (05.11.1931–02.1934), начальнік клуба 33-га артылерыйскага палка (02.1934–08.1934) 1-га дывізіёна, Беларуская ВА, г. Магілёў. Член партбюро 33-га артылерыйскага палка (11.1932–11.1934). Інструктар палітаддзела 201-й авіябрыгады, Беларуская ВА, г. Віцебск (07/08.1934–02/07.1936). Ваенны камісар 98-га Упраўлення ваенна-будаўнічых работ, г. Віцебск (люты – ліпень 1936). Праходзіў месячныя курсы ваенных камісараў, Упраўленне Беларускай ВА (1937). Ваенны камісар 55-га, 79-га Упраўленняў ваенна-будаўнічых работ, Беларуская ВА, г. Калінін (07.1936–03/05.1938), паліткіраўнік, старшы паліткіраўнік (17.11.1936). Член парткамісіі авіябрыгады в/ч 181 (07.1937–06.1938). Ваенны камісар 141-й авіяцыйнай базы, Арлоўская ВА, г. Арол – Ціраспаль, Адэская ВА, Паўднёвы фронт (05.1938–08/09.1941), батальённы камісар (07.05.1938), старшы батальённы камісар (26.12.1941). Прайшоў Вышэйшыя ваенна-палітычныя курсы пры Палітупраўленні РСЧА (11.1938–06.1939). Ваенны камісар 442-га батальёна аэрадромнага абслугоўвання / ваенны камісар 442-га батальёна і начальнік харчовага забеспячэння тылу арміі, Паўднёвы фронт (жнівень – верасень 1941). Начальнік палітаддзела тылавых часцей / інспектар і начальнік авіяаддзела і палітінструктар, 9-я армія, Паўднёвы фронт (09.1941–03.1942), старшы інспектар палітупраўлення/аддзела па палітрабоце ў авіячасцях, Паўднёвы фронт (сакавік – май 1942). Начальнік авіяцыйнага аддзела Палітупраўлення, Паўднёвы фронт (май – кастрычнік 1942). Намеснік начальніка палітаддзела ваенна-паветраных сіл, Паўднёва-Заходні фронт (кастрычнік – лістапад 1942). Намеснік начальніка палітаддзела, 17-я паветраная армія, Паўднёва-Заходні фронт (11.1942–02.1943). Падпалкоўнік (11.01.1943). Слухач курсаў удасканалення пры Ваенна-паветранай акадэміі камандна-штурмавога саставу ваенна-паветраных сіл Чырвонай арміі, г. Чкалаў (люты – красавік/май 1943). Начальнік палітаддзела 264-й штурмавой авіяцыйнай дывізіі, 5-я Паветраная армія, Калінінскі, Варонежскі, 1-шы і 2-гі Украінскія фронты і Адэская ВА (15.04.1943–09.05.1945/10.1946). Праходзіў службу на тэрыторыі некалькіх краін: Польшчы (жнівень – верасень 1944), Румыніі (верасень – лістапад 1944), Венгрыі (11.1944–04.1945), Чэхаславакіі (красавік – жнівень 1945). Служба на тэрыторыі Румыніі ў саставе 52-й авіяцыйна-тэхнічнай дывізіі, Румынія (08.1945–04.1948). В. а. намесніка начальніка тылу па палітчастцы, 5-я Паветраная армія, г. Адэса (10.1946–07.1947). Начальнік палітаддзела 52-й авіяцыйна-тэхнічнай дывізіі, г. Арад і Канстанца (Румынія) (07.1947–05/07.1948). Начальнік аддзела кадраў 1-й Паветранай арміі (07.1948–03.1949), 26-й Паветранай арміі (03.1949–23.06.1952), Беларуская ВА, г. Мінск. Начальнік аддзела кадраў Упраўлення ваенна-паветраных сіл, Прыволжская ВА, г. Куйбышаў (23.06.1950–19.02.1954). Палкоўнік (195?). Дэмабілізаваны (04.1954).

Намеснік старшыні Рэспубліканскага металаапрацоўваючай прамысловасці [БПС] па арганізацыйна-масавай рабоце і кадрах (11.1955–03/07.1956).

Рэкамендаваны аддзелам кадраў і вучэбных устаноў Міністэрства культуры БССР на працу ў Дзяржаўную бібліятэку імя У. І. Леніна ў якасці намесніка дырэктара па адміністрацыйна-гаспадарчай частцы (08.01.1959). Займаў гэту пасаду з 12.01.1959 па 04.12.1962.

Узнагароды: ордэны Чырвонай Зоркі (20.02.1942, 06.11.1945), Айчыннай вайны ІІ ст. (30.08.1944) і І ст. (09.06.1945), Чырвонага Сцяга (17.05.1951), медалі “За абарону Сталінграда” (22.12.1942), “За баявыя заслугі” (03.11.1944), “За перамогу над Германіяй у Вялікай Айчыннай вайне 1941–1945 гг.” (09.05.1945), “За ўзяцце Будапешта” (09.06.1945), “За ўзяцце Вены” (09.06.1945).