Баранаў Мітрафан Мітрафанавіч

Date of Birth: 19.04.1920 Расія

Date of death: 27.06.1988 Мінск, г.

Quick reference: работнік бібліятэкі, удзельнік Вялікай Айчыннай вайны, узнагароджаны медалямі

Names in other languages: Баранов Митрофан Митрофанович (russian);

Нарадзіўся ў сяле Перша-Нікольскае Варонежскай губерні (цяпер с. Ніколькае, Панінскі раён, Варонежская вобласць, Расія).

Скончыў 10 класаў СШ, 2 курсы мехтэнікума, г. Мыцішчы (1940), двухгадовую школу лётчыкаў Ваенна-паветраных сіл /Ваенна-марскіх сіл / ВМФ (1945), афіцэрскую школу МУС СССР, г. Мінск (1950), Ваенна-палітычную школу, г. Ленінград (1958) Член ВКП(б) з 07.1944 г.

Прызваны на службу ў рады РСЧА РВК г. Мыцішчы (20.10.1940). Удзельнік Вялікай Айчыннай вайны. Матарыст-чырвонафлоцец 72-га авіяпалка Ваенна-паветраных сіл Паўночнага флоту (20.10.1940 і 22.06.1941–20.03.1942). Атрымаў лёгкае раненне ў голень правай нагі пры абароне Савецкага Запаляр’я ў саставе 72-га авіяпалка Ваенна-паветраных сіл Паўночнага флоту (01.1942). Старшы авіяматарыст 3-й эскадрыльі 78-га авіяпалка, 6-й авіябрыгады Ваенна-паветраных сіл Паўночнага флоту (20.03.1942–20.05.1944). Курсант 3-га вучэбнага авіяпалка Ваенна-паветраных сіл Паўночнага флоту (20.05–09.06.1944). Старшы авіяматарыст 46-га штурмавога авіяпалка Ваенна-паветраных сіл Ваенна-марскога флоту (09.06.1944–03.10.1944). Курсант 2-й школы лётчыкаў Ваенна-паветраных сіл Паўночнага флоту (03.10.1944–03.07.1945).

Па заканчэнні вайны працягнуў службу ў радах Чырвонай арміі. Курсант у распараджэнні начальніка склада № 2041, г. Молатаў (03.07–01.11.1945). Камандзір аддзялення ўзвода аховы авіябазы 2-й школы лётчыкаў Ваенна-паветраных сіл Ваенна-марскога флоту (01.11–08.12.1945). Старшы авіяматарыст Упраўлення 19-й мінна-тарпеднай авіядывізіі Ваенна-паветраных сіл Ваенна-марскога флоту (08.12.1945–27.07.1946).

Праходзіў службу ў органах Міністэрства дзяржбяспекі, Міністэрства ўнутраных спраў і міліцыі (21.05.1948–29.08.1961). Малодшы лейтэнант міліцыі (14.08.1950), лейтэнант дзяржаўнай бяспекі (13.12.1953), старшы лейтэнант міліцыі (23.12.1955), капітан унутранай службы (18.06.1958), маёр міліцыі (07.08.1961). Дэмабілізаваны (29.08.1961). Абіраўся на пасаду намесніка сакратара партыйнай арганізацыі Упраўлення міліцыі г. Мінска (1955).

Пасля звальнення з органаў часова не працаваў (29.08.1961–12.02.1962). Быў упаўнаважаным па наборы партрэтаў Мінскай фабрыкі фотаработ (12.02.1962–04.1963). Дырэктар вагона-рэстарана чыгуначнай ст. “Мінск” (04.1963– 03.1965/05.10.1965). Баец аховы на камвольным камбінаце (03.1965–1966). Дырэктар вагона-рэстарана цягніка “Мінск–Сочы” (1966–12.1967). Часова не працаваў (12.1967–02.1968). Пажарны / ахоўнік гаспадарчага аддзела Дзяржбібліятэкі БССР (24.02.1968–09.07.1969).

Узнагароды: медалі “За адвагу” (20.07.1943), “За перамогу над Германіяй у Вялікай Айчыннай вайне 1941–1945 гг.”, “За баявыя заслугі” (25.06.1954).