Біяграфічных звестак пра вучонага-медыка, выпускніка Віленскага ўніверсітэта, Бенядзікта Барсука захавалася няшмат. Вядома, што паходзіў ён са шляхты Мінскай губерні. Пачатковую адукацыю атрымаў у Мінску. У далейшым вучыўся на фізіка-матэматычным і медыцынскім факультэтах Віленскага ўніверсітэта. Скончыў навучанне са ступенямі доктара філасофіі (1799) і доктара медыцыны (1806). Пасля працаваў ва ўніверсітэце ад’юнктам кафедры хіміі (1799–1803), з 1806 г. займаў пасаду прафесара медыцынскага факультэта. Ён першым падрыхтаваў і ўвёў у вучэбны працэс выкладанне ў навуковых установах Беларусі курса судовай медыцыны. Удзельнічаў таксама ў працы Віленскага таварыства лекараў.

Матэрыял падрыхтаваны ў 2019 г.