Іван Канстанцінавіч Богаяўленскі нарадзіўся ў Маскве. У 1891 г. скончыў Імператарскі Маскоўскі ўніверсітэт. З 1894 г. выкладаў у ім і адначасова з 1903 г. у Маскоўскім інстытуце інжынераў транспарту. У 1920–1930 гг. працаваў у Горацкім сельскагаспадарчым інстытуце (зараз Беларуская дзяржаўная сельскагаспадарчая акадэмія). Вучоны склаў першыя на Беларусі дапаможнікі па матэматыцы для студэнтаў, стаў аўтарам навуковых прац па лікавым інтэграванні функцый, тэорыі імавернасцяў, матэматычнай статыстыцы і аналітычнай геаметрыі. Сярод іх: “Формула Чебышева для приближенного вычисления определенных интегралов” (1927), “Введение в анализ и дифференциальное исчисление” (1931), “Аналітычная геаметрыя” (1932).

Матэрыял падрыхтаваны ў 2019 г.