Архітэктар Алег Васілевіч Ляшук нарадзіўся 22 ліпеня 1949 г. у Брэсце. Пасля заканчэння ў 1971 г. Беларускага політэхнічнага інстытута (зараз – Беларускі нацыянальны тэхнічны ўніверсітэт) працаваў у Брэсцкім будаўнічым тэхнікуме, інстытуце “Брэстграмадзянпраект”.

Асноўныя работы архітэктара ў Брэсце: будынкі дзіцячага сада-ясляў з плавальным басейнам па вул. Герояў абароны Брэсцкай крэпасці (1977), фізкультурна-аздараўленчага камбіната (1982, у суаўтарстве), дзіцячага кафэ “Казка” па вул. Гаўрылава (1985), аблвыканкама (1991). За распрацоўку праекта Брэсцкага аэравакзала (1986) аўтарскаму калектыву з удзелам А. В. Ляшука ў 1988 г. была прысуджана Дзяржаўная прэмія Беларусі.

Матэрыял падрыхтаваны ў 2011 г.