Сяргей Міронавіч Гайдучык нарадзіўся 20 студзеня 1915 г. у Брэсце. Скончыў Вышэйшае камерцыйнае вучылішча ў Кракаве (1936), дзяржаўныя педагагічныя курсы для выкладчыкаў нямецкай мовы ў Варшаве (1937) і Мінскі педагагічны інстытут замежных моў (1963). Доктар філалагічных навук (1973), прафесар (1978).

Настаўнічаў, выкладаў у Гродзенскім (1946–1955) і Мінскім (1962–1983) педагагічных інстытутах замежных моў. Даследаваў праблемы тэорыі нямецкай мовы (пераважна фонастылістыкі), распрацоўваў методыку выкладання замежных моў.

Аўтар прац: “Прасадычная сістэма сучаснай нямецкай мовы” (1972), “Тэарэтычная фанетыка нямецкай мовы” (1981). Суаўтар “Практычнай фанетыкі нямецкай мовы” (ч. 1, 1984).

Пад яго навуковым кіраўніцтвам падрыхтавана цэлае пакаленне беларускіх вучоных-германістаў.

Матэрыял падрыхтаваны ў 2011 г.