Старэйшы сын Iвана Гальшанскага Андрэй валодаў Вязынем на Мiншчыне. Хронiка Лiтоўская называе яго князем Вязанскiм (або Вязынскiм). Князь Андрэй Iванавiч памёр рана, "пакiнуўшы ад сваёй жонкi кн. Аляксандры Дзiмiтраўны Друцкай, што памерла ў 1426 г., дочак, якiя выхоўвалiся ў Друцку ў свайго дзядзькi князя Iвана Дзiмiтравiча Друцкага". Адна з iх, князёўна Соф'я Андрэеўна Гальшанская (1405?–1461), у 1422 г. выйшла замуж за Ягайлу, караля Польшчы i нарадзiла яму двух сыноў – Уладзiслава i Казiмiра (будучых Ягелонаў).