Дата рождения:
06.04.1936 Казлякевічы, в., Баранавіцкі раён, Брэсцкая вобласць
Дата смерти:
23.04.2020
Краткая справка:
работнік сельскай гаспадаркі, дзяржаўны дзеяч Беларусі, лаўрэат Дзяржаўнай прэміі СССР (1971), Герой Сацыялістычнай Працы (1971), узнагароджаны ордэнамі Леніна, Працоўнага Чырвонага Сцяга (тройчы), «Знак Пашаны», медалямі
Имена на других языках:
Сенько Фёдор Петрович (русский);
2134 символа
Справка
Фёдар Пятровіч Сянько нарадзіўся ў вёсцы Казлякевічы Баранавіцкага раёна Брэсцкай вобласці ў сям’і селяніна.
У 1957 г. скончыў Гродзенскі сельскагаспадарчы інстытут і працаваў намеснікам старшыні калгаса імя Калініна Гродзенскага раёна. У 1959 г. – у няпоўныя 23 гады – быў абраны старшынёй калгаса «Прагрэс». У той момант калгас знаходзіўся ў цяжкім эканамічным стане і займаў апошнія месцы ў раёне. Новы старшыня прыклаў шмат намаганняў для павелічэння культуры земляробства, распрацоўкі тарфянікаў, развіцця жывёлагадоўлі. Замест тэрытарыяльных аддзяленняў ім былі створаны спецыялізаваныя цэхі: земляробства, механізацыі, жывёлагадоўчы, будаўнічы і камунальна-бытавы. Праз пэўны час валавая вытворчасць малака і мяса павялічылася ў разы, вырас прыбытак гаспадаркі.
У 1971 г. за поспехі, дасягнутыя ў развіцці сельскагаспадарчай вытворчасці, калгас «Прагрэс» быў узнагароджаны ордэнам Леніна.
Указам Прэзідыума Вярхоўнага Савета СССР ад 8 красавіка 1971 г. за выдатныя поспехі, дасягнутыя ў развіцці сельскагаспадарчай вытворчасці і выкананні пяцігадовага плана продажу дзяржаве прадуктаў земляробства і жывёлагадоўлі, Фёдару Пятровічу Сянько было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».
З 1972 г. Фёдар Пятровіч Сянько працаваў першым намеснікам старшыні Гродзенскага аблвыканкама, з сакавіка 1979 г. па лістапад 1985 г. быў Міністрам сельскай гаспадаркі Беларускай ССР. У 1985–1990 гг. знаходзіўся на партыйнай рабоце ў апараце ЦК КПСС, у 1990–1991 гг. з’яўляўся намеснікам Старшыні Савета Міністраў Беларускай ССР, узначальваў Дзяржаўны камітэт БССР па сельскай гаспадарцы і харчаванні, у сакавіку – лістападзе 1991 г. займаў пасаду намесніка Прэм’ер-міністра СССР.
У 1990-х гг. Фёдар Пятровіч Сянько жыў і працаваў у Маскве. Быў прэзідэнтам ЗАТ «Агратэхналогія», членам Кансультатыўнага савета пры Міністэрстве сельскай гаспадаркі Расійскай Федэрацыі. Узнагароджаны ордэнам Леніна, трыма ордэнамі Працоўнага Чырвонага Сцяга, ордэнам «Знак Пашаны», медалямі, лаўрэат Дзяржаўнай прэміі СССР (1971).
Пераклад 2021 г. матэрыялаў інтэрнэт-праекта «Герои страны».
