Лапцёнак Сяргей Данілавіч

Дата рождения: 01.05.1935 Васільеўка, в., Бярэзінскі раён, Мінская вобласць

Дата смерти: 03.04.2012

Краткая справка: вучоны-філосаф, сацыёлаг, пісьменнік, заснавальнік навуковай школы па этыцы і сямейнай сацыялогіі

Имена на других языках: Лаптенок Сергей Данилович (русский); Лаптёнок Сергей Данилович (русский);

Сяргей Данілавіч Лапцёнак нарадзіўся ў в. Васільеўка Бярэзінскага раёна Мінскай вобласці ў сялянскай сям’і. У першы клас пайшоў у лясной школе партызанскай Клічаўскай зоны. У 1953 г. з залатым медалём скончыў Бярэзінскую сярэднюю школу. У 1953‒1958 гг. вучыўся ў Беларускім дзяржаўным універсітэце імя У. І. Леніна (БДУ). Пасля атрымання дыплома накіраваны настаўнікам у школу ў Бярэзінскім раёне, затым быў кіраўніком лектарскай групы Мінскага абкама камсамола. У 1960 г. паступіў у аспірантуру і стаў першым у БССР аспірантам, які спецыялізаваўся па этыцы. З 1963 г. працаваў у БДУ. У 1963 г. абараніў кандыдацкую дысертацыю на тэму «Нравственные основы советской семьи». Вучоны прымаў актыўны ўдзел у стварэнні Праблемнай навукова-даследчай лабараторыі сацыялагічных даследаванняў пры БДУ (1967). У 1968 г. атрымаў вучонае званне дацэнта. У 1970‒1974 гг. працаваў дацэнтам, загадчыкам кафедры гісторыі філасофіі і логікі. З 1975 па 1977 г. быў намеснікам загадчыка кафедры этыкі, эстэтыкі і навуковага атэізму. Да 1986 г. з’яўляўся дацэнтам, прафесарам кафедры філасофіі Інстытута павышэння кваліфікацыі выкладчыкаў грамадскіх навук пры БДУ. У 1984 г. абараніў доктарскую дысертацыю на тэму «Социально-этические проблемы семейно-брачных отношений в период развитого социализма». У 1986 г. яму прысвоена вучонае званне прафесара. З 1986 па 1999 г. быў загадчыкам навукова-даследчай лабараторыі сацыялагічных даследаванняў БДУ (кіраўніком Цэнтра праблем сацыялізацыі асобы БДУ). У 1998‒2006 г. працаваў у Інстытуце сацыяльна-палітычных даследаванняў пры Адміністрацыі Прэзідэнта Рэспублікі Беларусь.

Сяргей Данілавіч ‒ аўтар больш за 300 навуковых прац па праблемах тэорыі этыкі, маральнага выхавання, сямейна-шлюбных адносін, каштоўнасных арыентацыях і паводзінах моладзі. Сярод іх ‒ «Мораль и семья» (1967), «Каханнем даражыць умейце» (1973), «Этыку ‒ моладзі» (1975), «Семья и духовное развитие личности» (1977), «Основы марксистско-ленинской этики» (1979), «Система нравственного воспитания: (опыт БССР)» (1982), «Духовно-нравственный мир учащейся молодежи: по материалам социологических исследований» (1999) і інш.

Вучоны ўзнагарожданы медалём «За доблесную працу» (1970), значком «За актыўную працу» (1972), медалём «Ветэран працы» (1988) і інш.

Матэрыял падрыхтаваны ў 2025 г.