Краткая справка:
спартсмен (тэніс), заслужаны майстар спорту Беларусі, чэмпіён ХХХ летніх Алімпійскіх гульняў (2012, Лондан), кавалер ордэнаў Пашаны, Айчыны ІІІ ступені
Имена на других языках:
Mirnyi Max (не определен); Мирный Максим Николаевич (русский);
2432 символа
Справка
Максім Мірны нарадзіўся ў Мінску ў сям'і спартсменаў. Бацька – Мікалай Мікалаевіч выступаў у элітным дывізіёне чэмпіянату РСФСР па валейболе, маці – Таццяна Васільеўна ў 1971 г. устанавіла рэкорд БССР у плаванні на дыстанцыі 200 метраў батэрфляем.
У 6 гадоў Максім пачаў займацца тэнісам у ДЮСШ МАЗ. Бацька хлопчыка стаў адным з яго трэнераў. У 1992 г. Максім пераехаў у Амерыку, дзе займаўся ў тэніснай акадэміі.
У 1996 г. пачаў выступаць на асноўных спаборніцтвах тэнісістаў-прафесіяналаў. У 1997 г. у Шанхаі дэбютаваў у парным разрадзе з Кевінам Ульетам, дзе заваяваў першы тытул ATП. У 1998 г. Максім Мірны ў пары з 16-гадовай Серэнай Уільямс выйграў два турніры «Вялікага Шлема» US Open і Wimbledon.
У лютым 2003 г. Мірны выйграў адзіны ў кар’еры тытул АТП у адзіночным разрадзе. Падчас турніру ён перамог Марыё Анчыча, Івана Любічыча, Яўгена Кафельнікава, Роджэра Федэрэра і Раймона Слэйтэра. Гэтая перамога дазволіла яму падняцца на 18-е месца ў сусветным адзіночным рэйтынгу. Максім Мірны – адзіны беларускі тэнісіст, якому ўдалося выйграць турнір АТП у адзіночным і ў парным разрадах, ён першым з беларусаў выйграў турнір «Вялікага Шлема» у пары, у чэрвені 2003 г. стаў першай ракеткай свету ў парным разрадзе.
На рахунку Максіма Мірнага удзел у шэрагу Алімпіяд. У 2000 г. у Сіднэі спартсмен выступаў у адзіночным і парным разрадах і спыніўся на стадыі чвэрцьфіналу. На Алімпіядзе ў Афінах у 2004 г. у адзіночным разрадзе выбыў у трэцім раўндзе спаборніцтваў. У парным разрадзе дуэт Максіма Мірнага і Уладзіміра Валчкова прайграў сваім даўнім сапернікам братам Бобу і Майку Браенам і выбыў у другім раўндзе. На Алімпіядах 2008 г. і 2016 г. Максім Мірны выступаў няўдала і выбываў пасля першага тура.
Самай паспяховай для спартсмена стала Алімпіяда ў Лондане-2012, дзе Максім Мірны разам з Вікторыяй Азаранка ўпершыню ў гісторыі беларускага тэніса сталі алімпійскімі чэмпіёнамі.
У 1994 г. ва ўзросце 16 гадоў Максім пачаў выступаць за нацыянальную зборную ў спаборніцтвах на Кубак Дэвіса. У верасні 2004 г. Максім Мірны разам з Уладзімірам Валчковым і камандай згулялі паўфінал гэтых спаборніцтваў.
На пацягу 25 гадоў спартсмен выступаў за зборную Беларусі. Восенню 2018 г. Максім Мірны абвясціў аб завяршэнні прафесійнай тэніснай кар'еры.
Даведка падрыхтавана на аснове матэрыялаў сайта Нацыянальнага алімпійскага камітэта Рэспублікі Беларусь у 2019 г.
