Паляўнічы (у далейшым біялагічны) заказнік рэспубліканскага значэння “Ленінскі” быў створаны на тэрыторыі Салігорскага (Мінская вобласць), Жыткавіцкага (Гомельская вобласць) і Лунінецкага (Брэсцкая вобласць) раёнаў у 1960 г. Мэтай заснавання стала зберажэнне і павелічэнне колькасці некаторых відаў прамысловых жывёл.

Ахоўная тэрыторыя плошчай 88,9 тыс. га размяшчалася ў цэнтральнай частцы Беларускага Палесся паміж рэкамі Случ і Лань. Вялікую яе частку займалі нізінныя, пераходныя і вярховыя балоты ў спалучэнні з сухадольнымі хвойнікамі, чорнаальховымі і пушыстабярозавымі лясамі. Жывёльны свет разнастайны. Тут вадзіліся ласі, казулі, дзікі, янотападобныя сабакі, бабры. Мноства балот і лясных рэк стваралі спрыяльныя ўмовы вадаплаўным і балотным птушкам. Сярод ахоўных відаў сустракаўся пугач, зімародак звычайны, бусел чорны, бугай вялікі і інш.

Заказнік дзейнічаў да 2000 г. (пастанова Савета Міністраў БССР ад 10.07.1991 г. № 270).

Матэрыял падрыхтаваны ў 2023 г.