Біялагічны заказнік рэспубліканскага значэння “Кайкаўскі” быў створаны ў Мінскім раёне ў 1986 г. Мэтай заснавання стала зберажэнне ў зялёнай зоне Мінска высокаўзроставага ляснога насаджэння з рэдкімі відамі раслін.

Заказнік размяшчаўся на хвалістай водна-ледавіковай раўніне на плошчы 1190 га. Рэльеф плоскі з невялікімі ўзвышэннямі, пакрыты пераважна ельнікам. У флоры налічвалася больш за 350 відаў вышэйшых раслін, з якіх у Чырвоную кнігу Рэспублікі Беларусь унесены лілея кучаравістая, шпажнік чарапіцавы, баранец звычайны. Меліся значныя запасы дэкаратыўных, гаспадарчых і лекавых раслін.

У 2007 г. заказнік ліквідаваны (пастанова Савета Міністраў Рэспублікі Беларусь ад 27.12.2007 г. № 1833).

Матэрыял падрыхтаваны ў 2023 г.