"Магілёўаблгаз", ВРУП

Дата начала: 1961 Магілёў, г.

Краткая справка: вытворчае рэспубліканскае ўнітарнае прадпрыемства, лаўрэат Прэміі Урада Рэспублікі Беларусь за дасягненні ў галіне якасці (2020)

Названия на других языках: "Mogilevoblgaz" (английский); "Могилевоблгаз" (русский);

Предыдущие названия: Магілёўскае абласное вытворчае аб'яднанне газавай гаспадаркі "Магілёўгазіфікацыя"; Магілёўская мантажна-эксплутацыйная кантора па газіфікацыі звадкаваным газам; Магілёўскі мантажна-эксплутацыйны ўчастак па газіфікацыі; Магілёўскі трэст па газіфікацыі

Магілёўскі мантажна-эксплуатацыйны ўчастак быў створаны ў 1961 г. згодна з загадам Галоўнага ўпраўлення па газіфікацыі пры Савеце Міністраў БССР. Першым кіраўніком газавай гаспадаркі Магілёва стаў Л.М. Гурэвіч. У жніўні 1961 г. установа была рэарганізавана ў Магілёўскую мантажна-эксплуатацыйную кантору па газіфікацыі звадкаваным газам. 22 студзеня 1966 г. на базе канторы быў утвораны Магілёўскі трэст па газіфікацыі «Магілёўгаз». У 1975 г. на месцы трэста па газіфікацыі з’явіліся Магілёўскае абласное вытворчае аб’яднанне газавай гаспадаркі «Магілёўаблгаз» і Магілёўскае раённае вытворчае ўпраўленне газавай гаспадаркі.

У 1981 г. прыродны газ прыйшоў у Магілёў. Масавая газіфікацыя сельскагаспадарчых аб’ектаў Магілёўшчыны, а таксама прамысловых прадпрыемстваў Магілёва і вобласці пачалася ў 1984 г. У верасні 1990 г. на базе вытворчага аб’яднання «Магілёўаблгаз» і ПМК-6 «Белспецмантаж» створана Магілёўскае абласное вытворчае аб’яднанне газавай гаспадаркі «Магілёўгазіфікацыя». У лістападзе 1993 г. установа перайменавана ў дзяржаўнае Магілёўскае абласное прадпрыемства па праектаванні, будаўніцтве, рамонце і эксплуатацыі газазабеспячэння «Магілёўаблгаз», у 2000 г. – у вытворчае рэспубліканскае ўнітарнае прадпрыемства «Магілёўаблгаз». Да 2005 г. была скончана газіфікацыя ўсіх раённых цэнтраў Магілёўскай вобласці, узведзены адміністрацыйныя будынкі раённых упраўленняў газазабеспячэння ў Шклове, Бялынічах, Глуску, Дрыбіне, Крычаве, Клічаве, Асіповічах, Кіраўску і Хоцімску.

У 2015 г. была праведзена рэарганізацыя прадпрыемства шляхам стварэння пяці вытворчых упраўленняў (філіялаў) па асноўнай дзейнасці: ВУ «Магілёўгаз», ВУ «Бабруйскгаз», ВУ «Горкігаз», ВУ «Клімавічыгаз», ВУ «Слаўгарадгаз», у склад якіх увайшлі раёны газазабеспячэння, а таксама сельскагаспадарчы філіял «Газавік-Сіпакова».

Галоўнымі задачамі прадпрыемства з’яўляюцца: забеспячэнне бесперабойнай падачы прыроднага і звадкаванага газу спажыўцам, праектаванне і будаўніцтва аб’ектаў газаразмеркавальнай сістэмы, мантаж і абслугоўванне газаправодаў і газавага абсталявання, бяспечнае выкарыстанне газавых сетак.

Матэрыял падрыхтаваны ў 2023 г.