На пасяджэнні Сінода Беларускай Праваслаўнай Царквы 29 красавіка 1990 г. было прынята рашэнне аб будаўніцтве ў Мінску храма ў гонар Усіх Святых. 4 чэрвеня 1991 г. адбылося асвячэнне закладнога каменя Храма-помніка, якое здзейсніў Патрыярх Маскоўскі і ўсяе Русі Аляксій II падчас свайго першага Патрыяршага візіту ў Рэспубліку Беларусь.
Храм Усіх святых даў сваю назву прыходу, і 14 мая 1992 г. рэлігійная суполка ў гонар Усіх святых была афіцыйна зарэгістравана.
Неўзабаве пачалося будаўніцтва Сацыяльна-рэабілітацыйнага комплекса, які вядомы цяпер як Дом міласэрнасці (аўтар праэкта – архітэктар Леў Пагарэлаў), з дамовай царквой Ёва Шматпакутнага. Дом міласэрнасці быў урачыста адкрыты 19 мая 2003 г.
У 1996 г. заложаны фундамент Храма-Помніка ў гонар Усіх Святых, але яго актыўнае будаўніцтва адбылося значна пазней. Вялікае асвяшчэнне Храма-Помніка адбылося 14 кастрычніка 2018 г., яго ўзначаліў Патрыярх Маскоўскі і ўсяе Русі Кірыл.
На тэррыторыі храмавага комплексу пабудаваны і 26 верасня 2006 г. асвешчаны драўляны храм у гонар Святой Жываначальнай Тройцы.
Усіхсвяцкі прыход уяўляе сабой добры прыклад супрацоўніцтва дзяржавы і Беларускай Праваслаўнай Царквы.
