Дата рождения:
17.04.1988 Барысаў, г., Мінская вобласць
Краткая справка:
спартсмен (цяжкая атлетыка), заслужаны майстар спорту Беларусі, чэмпіён ХХІХ летніх Алімпійскіх гульняў (2008, Пекін), двухкратны чэмпіён свету (2007), бронзавы прызёр чэмпіянату Еўропы (2014), кавалер ордэна Айчыны ІІІ ступені, ганаровы грамадзянін Барысаўскага раёна
Имена на других языках:
Aryamnov Andrei (не определен); Арамнов Андрей Николаевич (русский); Арямнов Андрей Николаевич (русский);
1496 символов
Справка
Андрэй Арамнаў нарадзіўся 17 красавіка 1988 г. у г. Барысаў. Ва ўзросце 8 гадоў прыйшоў у секцыю цяжкай атлетыкі, дзе яго першым трэнерам стаў Уладзімір Барздакоў. Юны спартсмен стаў хутка набіраць форму дзякуючы сваёй настойлівасці, мэтанакіраванасці і працавітасці. Ужо ў 16–17 гадовым узросце ён падымаў штангі, якія былі не па сілах нават дарослым спартсменам-прафесіяналам. У 2006 г. 18-гадовы цяжкаатлет прапусціў некалькі спаборніцтваў з-за траўмаў. Затое 2007 г. стаў па-сапраўднаму зорным для маладога атлета. Андрэй Арамнаў перамог на юніёрскім чэмпіянаце свету ў катэгорыі да 105 кг з сумай 407 кг, а таксама стаў чэмпіёнам ў дарослым чэмпіянаце свету па цяжкай атлетыцы ў катэгорыі да 105 кг з сумай 423 кг (сусветны рэкорд).
На Алімпійскіх гульнях 2008 г. у Пекіне заваяваў залаты медаль у катэгорыі да 105 кг, усталяваўшы ўпершыню ў гісторыі цяжкай атлетыкі адразу 3 сусветныя рэкорды на алімпійскім памосце: у рыўку – 200 кг, штуршку – 236 кг і па суме рыўка і штуршка – 436 кг.
У 2016 г. Андрэй Арамнаў з-за шматлікіх траўмаў быў вымушаны скончыць спартыўную кар'еру і перайсці на трэнерскую пасаду. Аднак у пачатку 2017 г. спартсмен абвясціў аб намеры вярнуцца ў вялікі спорт. На дадзены момант атлет актыўна трэніруецца і выступае на спаборніцтвах, каб атрымаць магчымасць выступіць на XXXII летніх Алімпійскіх гульнях 2020 г. у Токіа.
Даведка падрыхтавана на аснове матэрыялаў сайта Нацыянальнага алімпійскага камітэта Рэспублікі Беларусь у 2019 г.
