Дата рождения:
06.01.1927 Скачыхі, вёска, Ушацкі раён, Віцебская вобласць
Дата смерти:
12.10.1981 Расія
Краткая справка:
работнік сельскай гаспадаркі (жывёлавод, свінарка), Герой Сацыялістычнай Працы (1971), узнагароджана ордэнам Леніна, медалямі
Имена на других языках:
Веретнева Мария Борисовна (русский); Веретнёва Мария Борисовна (русский);
2087 символов
Справка
Марыя Барысаўна Вератнёва нарадзілася ў вёсцы Скачыхі Ушацкага раёна Віцебскай вобласці.
У 1930 г. бацькі Марыі першымі ўступілі ў мясцовы калгас “Новы свет”. У 1941 г. дзяўчына скончыла сем класаў мясцовай школы. У гады Вялікай Айчыннай вайны прымала актыўны ўдзел у падпольнай і партызанскай барацьбе з нямецка-фашысцкімі захопнікамі.
Пасля вызвалення Ушацкага раёна летам 1944 г. калгас “Новы свет” быў адноўлены. Камсамолка Вератнёва ўзначаліла паляводчую брыгаду. У 1945 г. скончыла курсы трактарыстаў пры машынна-трактарнай станцыі (МТС) Ушацкага раёна. Па даручэнні Ушацкага райкама КП(б)Б Марыя Вератнёва стварыла камсамольскую арганізацыю ў родным калгасе і стала яе сакратаром. Калі ў жывёлагадоўлі запатрабаваліся маладыя рукі, перайшла на малочна-таварную ферму. З 1952 г. працавала даяркай, а ў 1960 г. узначаліла калектыў фермы.
У 1963 г. калгас “Новы свет” быў уключаны ў склад саўгаса “Кублічы”. З гэтага часу М. Вератнёва працавала на адкорме маладняку свіней. У 7-й і 8-й пяцігодках штогод дамагалася высокіх паказчыкаў у працы, а заданне 8-й пяцігодкі выканала да 1 ліпеня 1970 г. Сярэднясутачнае павелічэнне вагі на ферме, дзе працавала М. Вератнёва, склала 570 грамаў, а рэалізацыйная вага – каля 130 грамаў. За тры гады яе звяно прадала дзяржаве больш за 600 тон свініны. За кошт зніжэння сабекошту прадукцыі саўгас “Кублічы” атрымаў 60 тысяч рублёў прыбытку.
Указам Прэзідыума Вярхоўнага Савета СССР ад 8 красавіка 1971 г. за выдатныя дасягненні ў развіцці сельскагаспадарчай вытворчасці і выкананне пяцігадовага плана продажу дзяржаве прадуктаў жывёлагадоўлі Марыі Барысаўне Вератнёвай было прысвоена званне Героя Сацыялістычнай Працы з уручэннем ордэна Леніна і залатога медаля “Серп і Молат”.
У 1974 г. Марыя Барысаўна Вератнёва выбіралася членам Ушацкага райкама, была дэпутатам Вярхоўнага Савета Беларускай ССР (1971–1975), Ушацкага раённага і Кубліцкага сельскага Саветаў дэпутатаў працоўных, узнагароджана ордэнам Леніна (1971), медалямі.
З 1981 г. жыла і працавала ў Маскоўскай вобласці.
Пераклад 2020 г. матэрыялаў інтэрнэт-праекта “Герои страны”.
