Сцяпан Дзмітрыевіч Фешчанка нарадзіўся ў вёсцы Бабічы Рэчыцкага павета Магілёўскай губерні (цяпер Рэчыцкі раён Гомельскай вобласці) у сялянскай сям’і.

Пасля атрымання пачатковай адукацыі працаваў у гаспадарцы. У 1930 г. уступіў у мясцовы калгас «Чырвоны шлях». У 1937 г. атрымаў накіраванне на курсы трактарыстаў пры Васілевіцкай машынна-трактарнай станцыі (МТС). Пасля заканчэння курсаў перайшоў на працу ў гэтую ж арганізацыю і ў хуткім часе ўвайшоў у лік лепшых механізатараў МТС.

З 1946 г. Сцяпан Фешчанка працаваў брыгадзірам у малочным саўгасе «Ведрыч» Рэчыцкага раёна Гомельскай вобласці і зарэкамендаваў сябе як умелы кіраўнік, які прыклаў нямала намаганняў для развіцця вытворчасці.

У 1950 г. за атрыманне высокіх ураджаяў жыта пры выкананні саўгасамі плана здачы сельскагаспадарчых прадуктаў у 1949 г. і забяспечанасці насеннем ўсіх культур у памеры поўнай патрэбнасці для веснавой сяўбы 1950 г. Сцяпану Дзмітрыевічу Фешчанку было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

З 1967 г. Сцяпан Дзмітрыевіч быў механікам саўгаса «Ведрыч». У 1970 г. выйшаў на заслужаны адпачынак, але працягваў працаваць слесарам-рамонтнікам.

Узнагароджаны ордэнам Леніна (1950), медалямі, у тым ліку «За адвагу» (1965), а таксама Ганаровай Граматай Вярхоўнага Савета БССР (1978). Удзельнік Вялікай Айчыннай вайны.

Пераклад 2021 г. матэрыялаў інтэрнэт-праекта «Герои страны».