Аляксандра Аляксандраўна Шаплыка нарадзілася ў вёсцы Макавічы Глускага раёна Магілёўскай вобласці ў сялянскай сям’і.

З 1930 г. працавала паляводам, у 1936–1941 гг. асвойвала тэхналогію вырошчвання кок-сагызу. У час Вялікай Айчыннай вайны вяла ўласную гаспадарку. Пасля вызвалення Глускага раёна ў чэрвені 1944 г. удзельнічала ў аднаўленні сельскагаспадарчай вытворчасці. У 1947 г. пераехала ў Любанскі раён і ўступіла ў калгас «Чырвоная змена». Пасля навучання на курсах А.А. Шаплыка ўзначаліла адзін з участкаў па вырошчванні кок-сагызу, пазней кіравала брыгадай каўчукаводаў.

У 1949 г. за атрыманне высокага ўраджаю кок-сагызу пры выкананні планавага збору і здачы дзяржаве каранёў і насення Аляксандры Аляксандраўне Шаплыка прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

У 1949 г. Аляксандра Шаплыка выступала з дакладам на Усесаюзнай нарадзе каўчукаводаў, Усесаюзным навукова-даследчым інстытутам каўчукаводства. За атрыманне высокіх ураджаяў каранёў кок-сагызу ў 1950 г. яна была ўзнагароджана другім ордэнам Леніна.

Пасля з’яўлення ў 1950-х гг. больш танных крыніц каўчука калгас «Чырвоная змена» перайшоў на вырошчванне буракоў. Аляксандры Шаплыка працавала ў паляводстве да выхаду на заслужаны адпачынак у 1968 г.

Узнагароджана ордэнамі Леніна (1949, 1951), медалямі.

Пераклад 2021 г. матэрыялаў інтэрнэт-праекта «Герои страны».