Раіса Іванаўна Цітко нарадзілася ў вёсцы Юраўляны Беластоцкага ваяводства Польшчы. З 1935 г. была наймічкай у памешчыцкіх гаспадарках. У перыяд Вялікай Айчыннай вайны пражывала на акупіраванай тэрыторыі.

У 1952 г. Раіса Цітко пераехала ў Ашмяны і стала працаваць cвінаркай у саўгасе «Перамога». У 1970 г. яна атрымала па 24 парсючкі ад кожнай з 42 свінаматак. Усяго за год выгадавала і перадала на дагадоўванне 1036 парсючкоў.

Указам Прэзідыума Вярхоўнага Савета СССР ад 8 красавіка 1971 г. за выдатныя поспехі, дасягнутыя ў развіцці сельскагаспадарчай вытворчасці і выкананні пяцігадовага плана продажу дзяржаве прадуктаў земляробства і жывёлагадоўлі, Раісе Іванаўне Цітко было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

Узнагароджана ордэнамі Леніна, Працоўнага Чырвонага Сцяга, медалямі, у тым ліку медалём ВДНГ СССР.

Пераклад 2021 г. матэрыялаў інтэрнэт-праекта «Герои страны».