Эдуард Вікенцьевіч Ціхі нарадзіўся на хутары Добры Ток Мядзельскага раёна Мінскай вобласці ў шматдзетнай сялянскай сям’і.

Пасля тэрміновай службы ў Савецкай Арміі некаторы час працаваў будаўніком у Саратаўскай вобласці. У 1955 г. Э.В. Ціхі вярнуўся на радзіму, скончыў Свірскае сельскагаспадарчае вучылішча і атрымаў спецыяльнасць камбайнера. Спачатку працаваў памочнікам камбайнера на Свірскай машынна-трактарнай станцыі, затым камбайнерам у саўгасе «Свір». Пазней перайшоў на працу ў саўгас «Канстанцінава», дзе таксама працаваў камбайнерам. Дабіўся высокіх вынікаў у працы.

Указам Прэзідыума Вярхоўнага Савета СССР ад 23 чэрвеня 1966 г. за выдатныя поспехі, дасягнутыя ў павелічэнні вытворчасці і нарыхтовак жыта, пшаніцы, грэчкі, іншых збожжавых і кармавых культур, Эдуарду Вікенцьевічу Ціхаму было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

У 1977 г. Эдуард Вікенцьевіч скончыў Мар’інагорскі саўгас-тэхнікум. З 1971 па 1986 гг. працаваў загадчыкам рамонтных майстэрань саўгаса, затым галоўным інжынерам, у 1988 г. быў выбраны старшынёй прафкама гаспадаркі. Узнагароджаны ордэнам Леніна, медалямі, ганаровы грамадзянін Мядзельскага раёна.

Пераклад 2021 г. матэрыялаў інтэрнэт-праекта «Герои страны».