Ганна Сямёнаўна Шыдлоўская (Шчацько) нарадзілася ў в. Сцяцкі Стаўбцоўскага раёна Мінскай вобласці ў шматдзетнай сялянскай сям’і.

Пасля заканчэння Заямнаўскай сямігадовай школы ў 1954 г. пачала працаваць у паляводчай брыгадзе калгаса «Чырвоны Кастрычнік». Са студзеня 1959 г. была цялятніцай, пазней – аператарам па вырошчванні буйной рагатай жывёлы калгаса «Чырвоны Кастрычнік» Стаўбцоўскага раёна, дасягнула выдатных працоўных поспехаў.

У 1966 г. за дасягнутыя поспехі ў развіцці жывёлагадоўлі, павелічэнні вытворчасці і нарыхтовак мяса, малака, яек, воўны і іншай прадукцыі Шыдлоўскай Ганне Сямёнаўне было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

Ганна Сямёнаўна Шыдлоўская з’яўлялася дэпутатам Заямнаўскага сельскага, Мінскага абласнога і Вярхоўнага Савета БССР (1980–1985), была дэлегатам XXVI з’езда КПСС. Узнагароджана ордэнамі Леніна (1966), Дружбы народаў (1983), медалямі, Ганаровай граматай Прэзідыума Вярхоўнага Савета БССР (1968). З 1994 г. знаходзіцца на заслужанным адпачынку.

У 2005 г. Ганна Сямёнаўна Шыдлоўская стала ганаровым грамадзянінам Стаўбцоўскага раёна Мінскай вобласці.

Пераклад 2021 г. матэрыялаў інтэрнэт-праекта «Герои страны».