Скуратовіч Яніна Канстанцінаўна

Дата рождения: 27.12.1930 Слабада, в., Смалявіцкі раён, Мінская вобласць

Краткая справка: работнік сельскай гаспадаркі (кіраўнік ільнаводчага звяна), Герой Сацыялістычнай Працы (1966), дэпутат Вярхоўнага Савета Беларускай ССР (1967–1971), ганаровы грамадзянін Смалявіцкага раёна, узнагароджана ордэнам Леніна, медалямі

Варианты имени: Дзямідчык Яніна Канстанцінаўна; Дзямідчык-Скуратовіч Яніна Канстанцінаўна

Имена на других языках: Демидчик Янина Константиновна (русский); Демидчик-Скуратович Янина Константиновна (русский); Скуратович Янина Константиновна (русский);

Яніна Канстанцінаўна Скуратовіч (Дзямідчык-Скуратовіч) нарадзілася ў вёсцы Слабада Смалявіцкага раёна Мінскай вобласці ў сялянскай сям’і. З пачаткам Вялікай Айчыннай вайны засталася на часова акупіраванай тэрыторыі, працавала ў бацькоўскай гаспадарцы. Пасля вызвалення раёна працягнула вучобу і скончыла пяць класаў школы.

У 1946 г. пачала працаваць у мясцовым калгасе імя С.М. Будзёнага (з 1958 г. перайменаваны ў калгас “1 Мая”). Актыўна ўдзельнічала ў аднаўленні гаспадаркі, разбуранай у перыяд нямецкай акупацыі. Была занята на розных работах у паляводстве, затым перайшла ў адно з ільнаводчых звёнаў, якія былі створаны ў калгасе.

Ініцыятыўная і адказная працаўніца, добры арганізатар, Яніна Канстанцінаўна ў 1960 г. узначаліла льнаводчае звяно. Каб як мага лепш авалодаць прафесіяй мэтанакіравана занялася самаадукацыяй. Па вечарах наведвала заняткі ў агранамічным гуртку, знаёмілася з публікацыямі вядомых ільнаводаў, навукоўцаў-аграномаў. У кароткі тэрмін ільнаводы звяна на чале з Я.К. Скуратовіч здолелі дасканала авалодаць майстэрствам вырошчвання гэтай селькагаспадарчай культуры. Неаднаразова выходзілі прызёрамі альбо пераможцамі штогадовага сацыялістычнага раённага спаборніцтва. У завяршальным годзе сямігодкі імі было сабрана па 6 цэнтнераў валакна і 8 цэнтнераў насення льну з кожнага гектара.

Указам Прэзідыума Вярхоўнага Савета СССР ад 30 красавіка 1966 г. за поспехі, дасягнутыя ў павелічэнні вытворчасці і нарыхтовак ільну, Яніне Канстанцінаўне Скуратовіч было прысвоена званне Героя Сацыялістычнай Працы з уручэннем ордэна Леніна і залатога медаля “Серп і Молат”.

Яніна Скуратовіч неаднаразова прымала ўдзел у працы Выставы дасягненняў народнай гаспадаркі СССР, была ўзнагароджана дыпломамі Галоўнага выставачнага камітэта. З 1978 г. загадвала пунктам па водпуску кармоў на жывёлагадоўчай ферме. У 1994 г. выйшла на заслужаны адпачынак.

Яніна Канстанцінаўна Скуратовіч выбіралася дэпутатам Вярхоўнага Савета Беларускай ССР (1967–1971), Мінскага абласнога Савета дэпутатаў працоўных, была ўзнагароджана ордэнам Леніна, медалямі. У 2007 г. стала Ганаровым грамадзянінам Смалявіцкага раёна.

Пераклад 2021 г. матэрыялаў інтэрнэт-праекта “Герои страны”.