Станіслаў Іванавіч Абужынскі нарадзіўся ў вёсцы Жытарадзь (цяпер у складзе Індурскага сельсавета Гродзенскага раёна).

З 1948 г. быў рабочым саўгаса “Свіслач”. Пасля заканчэння курсаў механізатараў у 1953 г. працаваў трактарыстам, затым камбайнерам у тым жа саўгасе, пазней быў прызначаны звеннявым трактарнай брыгады і штогод дасягаў найвышэйшых паказчыкаў у працы.

Указам Прэзідыума Вярхоўнага Савета СССР ад 30 красавіка 1966 г. за поспехі, дасягнутыя ў павелічэнні вытворчасці і нарыхтовак бульбы, гародніны і пладоў Станіславу Іванавічу Абужынскаму было прысвоена званне Героя Сацыялістычнай Працы з уручэннем ордэна Леніна і залатога медаля “Серп і Молат”.

У 1980–1992 гг. Станіслаў Абужынскі працаваў механізатарам у калгасе “Прагрэс”, быў трактарыстам на птушкафабрыцы “Юбілейная”. Выбіраўся дэпутатам раённага савета, шмат часу прасвячаў рабоце з моладдзю. Узнагароджаны ордэнам Леніна, медалямі.

Пераклад 2021 г. матэрыялаў інтэрнэт-праекта “Герои страны”.