Станіслаў Феліксавіч Акуліч нарадзіўся ў вёсцы Юзафова Смалявіцкага раёна Мінскай вобласці.

Працоўную дзейнасць пачаў у 1951 г. вучнем электрамантажніка. У 1951–1953 гг. працаваў электраманцёрам, у 1953–1956 гг. служыў у Савецкай Арміі. Пасля дэмабілізацыі вярнуўся да прафесіі электраманцёра, працаваў у механа-мантажным ўпраўленні трэста «Белэлектрамантаж», узначальваў брыгаду электраманцёраў і электрамантажнікаў домабудаўнічага камбіната, спецыялізаванага ўпраўлення Мінскага вытворчага аб’яднання індустрыяльнага домабудавання. Брыгада, якой кіраваў С.Ф. Акуліч, у час дзясятай пяцігодкі (1976–1980 гг.) правяла электрычнасць у 8150 кватэр і 7 буйных крам.

Указам Прэзідыума Вярхоўнага Савета СССР ад 19 сакавiка 1981 г. за выдатныя поспехі, дасягнутыя ў выкананні заданняў дзясятай пяцігодкі і сацыялістычных абавязацельстваў, Станіславу Феліксавічу Акулічу было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

Да выхаду на заслужаны адпачынак С.Ф. Акуліч працаваў электрамантажнікам па асвятленні і асвятляльным сеткам СУ-206 ААТ «МАПІД». Прымаў актыўны ўдзел у грамадскім жыцці, у 1971–1975 гг. з’яўляўся дэпутатам Вярхоўнага Савета БССР. Узнагароджаны ордэнамі Леніна (1981), Кастрычніцкай Рэвалюцыі (1976), Працоўнага Чырвонага Сцяга (1971), медалямі, у тым ліку «За працоўную доблесць» (1966). У ліпені 2008 г. Станіслаў Феліксавіч Акуліч стаў ганаровым жыхаром Фрунзенскага раёна горада Мінска.

Пераклад 2021 г. матэрыялаў інтэрнэт-праекта «Герои страны».