Каранеўская Марыя Сяргееўна

Дата рождения: 04.12.1926 Прыяміна, вёска, Крупскі раён, Мінская вобласць

Дата смерти: 01.12.2000 Харосіца, вёска, Навагрудскі раён, Гродзенская вобласць

Краткая справка: спецыяліст у галіне сельскай гаспадаркі (раслінаводства, жывёлагадоўля), Герой Сацыялістычнай Працы (1966), узнагароджаная ордэнам Леніна, медалямі

Варианты имени: Синевич Мария Сергеевна

Имена на других языках: Кореневская Мария Сергеевна (русский); Короневская Мария Сергеевна (русский);

Марыя Сяргееўна Каранеўская нарадзілася ў вёсцы Прыяміна Крупскага раёна Мінскай вобласці.

Пасля Вялікай Айчыннай вайны пераехала ў Гродзенскую вобласць, дзе стала загадваць клубам у вёсцы Харосіца Навагрудскага раёна.

З 1955 г. была звеннявой ільнаводчага звяна калгаса імя Сталіна (з 1961 г. – калгас «Світанне» Любчанскага (з 1956 г. – Навагрудскага раёна) Баранавіцкай (з 1954 г. – Гродзенскай) вобласці. Пастаянна павышала сваю кваліфікацыю, укараняла больш інтэнсіўныя метады вырошчвання льну. Паступова дабілася павелічэння ўраджайнасці да 11 цэнтнераў валакна і 10 цэнтнераў насення льну з гектара. У 1965 г. звяно М.С. Каранеўскай атрымала ўраджай 12,4 цэнтнера валакна і 10,4 цэнтнера насення з гектара.

Указам Прэзідыума Вярхоўнага Савета СССР ад 30 красавіка 1966 г. за поспехі, дасягнутыя ў павелічэнні вытворчасці і нарыхтовак ільну, Марыі Сяргееўне Каранеўскай было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».

З канца 1960-х гг. М.С. Каранеўская працавала ў жывёлагадоўлі. Узнагароджана ордэнам Леніна (1966), медалямі.

Матэрыял падрыхтаваны ў 2023 г.