Нарадзіўся ў Вільне, Віленская губ., цяпер г. Вільнюс, Літва. З сям’і служачых.

Ліпень 1930 – ліпень 1931 гг. – дзясятнік, табельшчык ва Упраўленні ваеннабудаўнічых работ № 93, г. Мінск. Ліпень 1931 – чэрвень 1933 гг. – вучоба ў прафтэхшколе № 1, г. Мінск. Чэрвень 1933 – верасень 1934 гг. – памочнік машыніста ў Паравозным дэпо, г. Мінск. Верасень 1934 – сакавік 1936 гг. – слесар-інструментальшчык 5-га разрада, механік па вартштатным абсталяванні ў Механічнай майстэрні Беларускай воднай гаспадаркі, г. Мінск. 1935 г. – скончыў аднагадовыя курсы пры аўтаскладзе Беларускай ВА, г. Мінск.

13.03.1936 г. прызваны ў рады РСЧА Кагановіцкім РВК, г. Мінск. Да кастрычніка 1938 г. – тэрміновая служба ў радах РСЧА. Механік 127-га асобнага аўтабатальёна, с. Сяргееўка, Пагранічны р-н, Далёкаўсходні край.

Кастрычнік 1938 – чэрвень 1941 гг. – у запасе. Навуковы супрацоўнік (мастак-этнограф) у Інстытуце гісторыі АН БССР, г. Мінск. У 1940 г. скончыў СШ № 1, г. Мінск.

22.06.1941 г. прызваны ў рады РСЧА Кагановіцкім РВК г. Мінска. Малодшы тэхнік-лейтэнант (на 1941). Чэрвень – жнівень 1941 г. – танкавы механік 105-га аўтабранетанкавага склада, ЗахАВА. Жнівень 1941 – снежань 1942 гг. – танкавы механік 1739-га Галоўнага склада аўтабронетэхнікі, Бранскі фронт. Тэхнік-лейтэнант (07.04.1942). Снежань 1942 – красавік 1943 гг. – начальнік аддзялення Аўтабронетанкавага склада № 1, 48-я армія, Бранскі фронт. Старшы тэхнік-лейтэнант (07.01.1943). Начальнік аддзялення захоўвання аўтамаёмасці Палявога армейскага аўтамабільнага склада № 259. Да чэрвеня 1945 г. – начальнік рамонтных майстэрняў – начальнік 1-га аддзела аўтасклада № 259, 48-я армія, Цэнтральны фронт. Да студзеня 1946 г. – начальнік 2-га аддзела Акружнога аўтасклада № 297, Казанская ваенная акруга. 19.01.1946 г. звольнены ў запас. Вярнуўся ў Мінск.

Студзень 1946 – ліпень 1957 гг. – мастак-этнограф у Інстытуце гісторыі АН БССР, г. Мінск. 16.04.1949 г. прыняты на працу ў Дзяржбібліятэку БССР, в. а. галоўнага бібліёграфа / бібліятэкара. 01.08.1949 г. звольнены.

Узнагароды: медалі “За перамогу над Германіяй у Вялікай Айчыннай вайне 1941–1945 гг.” (09.05.1945), “За баявыя заслугі” (26.06.1945), “За ўзяцце Кёнігсберга” (09.06.1946)