Нарадзілася ў в. Царадараўка, Паўлаградскі пав., Кацярынаслаўская губ., цяпер Лозаўскі/Лазоўскі р-н, Харкаўская вобл., Украіна. З сям’і рабочага і настаўніцы.

1940–1941 гг. – вучоба на індустрыяльным рабфаку. Летам 1942 г. эвакуіравана ў г. Уфа. 11.11.1942 г. – праца ў Эвакуацыйным шпіталі № 6020, скончыла 3-хмесячныя курсы медсёстраў, г. Уфа. Працавала ў сістэме эвакуацыйных шпіталяў. У 1943 г. вярнулася разам з Эвакуацыйным шпіталем № 6020 у г. Днепрапятроўск. Пасля яго расфарміравання (1944) пераведзена ў Эвакуацыйны шпіталь № 6026 (працавала там да 1947 г.). 15.12.1947–15.03.1952 гг. – праца на пасадзе сакратара мясцовага камітэта прафсаюзнай арганізацыі ў Інстытуце інжынераў чыгуначнага транспарту, г. Днепрапятроўск.

5.08.1952–12.09.1956 гг. – бібліятэкар вузлавой тэхнічнай бібліятэкі Беларускай чыгункі, г. Сталбцы, Мінская вобл. 1954–1959 гг. – вучоба ў Бібліятэчным інстытуце імя Н. К. Крупскай (цяпер Санкт-Пецярбургскі ўніверсітэт культуры) на завочным аддзяленні факультэта бібліятэказнаўства і бібліяграфіі навуковых бібліятэк, г. Ленінград. Прысвоена спецыяльнасць “Бібліёграф вышэйшай катэгорыі”. 10.01.1957–01.11.1958 гг. – праца тэхнікам-чарцёжнікам эксперыментальнага цэха в/ч-1ст. Мінск.

22.10.1959–02.06.1963 гг. – загадчык навукова-тэхнічнай бібліятэкі Інстытута навукова-тэхнічнай інфармацыі і прапаганды, г. Мінск. Пасля перавода кніжнага фонду ва Урадавую бібліятэку імя А. М. Горкага прызначана на пасаду старшага бібліёграфа даведачна-інфармацыйнага фонду. 20.04.1964 г. – інжынер-патэнтазнаўца-эксперт, кіраўнік бібліяграфічнай групы патэнтнага аддзела, г. Мінск.

1965–1968 гг. – вучоба ў Беларускім грамадскім інстытуце патэнтазнаўства. Прысвоена кваліфікацыя “Патэнтазнаўца”. 11.04.1966 г. – старшы інжынер-патэнтазнаўца, кіраўнік групы навуковай апрацоўкі патэнтнага фонду Інстытута навукова-тэхнічнай інфармацыі і прапаганды. 31.01.1967 г. звольнена ў сувязі з пераводам на іншую працу. 15.02.1967 г. – прынята на працу ў Дзяржбібліятэку БССР загадчыкам сектара патэнтнай літаратуры. 01.10.1979 г. пераведзена на пасаду загадчыка сектара захоўвання і выкарыстання айчыннай літаратуры дарэвалюцыйных і даваенных гадоў выдання. 06.10.1980 г. – звольнена з бібліятэкі.

Узнагароды: медаль “За перамогу над Германіяй у Вялікай Айчыннай вайне 1941–1945 гг.” (25.04.1946).