Краткая справка:
работнік бібліятэкі, удзельнік Вялікай Айчыннай вайны, кавалер ордэна Айчыннай вайны II ступені
Варианты имени:
Дукар Арон Мендзелевіч
Имена на других языках:
Дукор Арон Менделеевич (русский);
1685 символов
Справка
Арон Мендзелевіч Дукор нарадзіўся у г. Мінску ў 1905 г. З сям’і саматужнікаў.
Друкар у друкарні імя І. В. Сталіна (1922–1932), у друкарні СНК БССР, г. Мінск (1932–1935). Член ВКП(б) з 1927 г. Скончыў рабфак Беларускага дзяржаўнага будаўнічага інстытута, Вышэйшую партыйную школу, г. Мінск (1936), факультэт бібліяграфіі Маскоўскага дзяржаўнага бібліятэчнага інстытута імя В. М. Молатава (1940). Служачы.
Бібліёграф даведачна-бібліяграфічнага аддзела (15.08.1940–23.06.1941) Дзяржбібліятэкі БССР. Прызваны ў рады РСЧА Варашылаўскім РВК г. Мінска (23.06.1941). Стралок 23-га медыка-санітарнага батальёна, радавы (23.06.1941–19.11.1942). Друкар рэдакцыі газеты “Боевой товариш” палітаддзела 3-й гв. арміі, гв. радавы (19.11.1942–19.11.1945). Ваяваў на 4-м, 1-м Украінскіх і інш. франтах. Дэмабілізаваны (19.11.1945).
Бібліятэкар Дзяржаўнай бібліятэкі СССР імя У. І. Леніна, г. Масква (04.02.1946–01.01.1947). У 1947 вярнуўся ў г. Мінск. Старшы бібліёграф (з 01.02.1947), старшы рэдактар (з 16.12.1966) даведачна-бібліяграфічнага аддзела Дзяржбібліятэкі БССР. З 23.10.1969 г. персанальны пенсіянер.
Працы: сускладальнік бібліяграфічных паказальнікаў “Народная гаспадарка і культура БССР у шостай пяцігодцы” (1957), “Да 40-годдзя Ленінскага Камуністычнага Саюза Моладзі Беларусі: зб. метадычных і бібліяграфічных матэрыялаў” (1960) і інш.
Узнагароды: ордэн Айчыннай вайны II ст. (06.04.1985), медалі “За баявыя заслугі” (16.10.1943; 31.05.1945), «За вызваленне Прагі” (194?), “За ўзяцце Берліна” (194?), “За перамогу над Германіяй у Вялікай Айчыннай вайне 1941–1945 гг.” (09.05.1945), значок Міністэрства культуры СССР “За выдатную працу” (1962), знак “50 гадоў знаходжання ў КПСС” (1977).
