З сям’і рабочых. Нарадзіўся ў г. Новазыбкаў Чарнігаўскай губерні (цяпер Бранская вобласць, Расія).

Скончыў Новазыбкаўскае ніжэйшае пачатковае вучылішча (1916). Вучань слесара, слесар-шафёр на запалкавай фабрыцы “Волна революции”, г. Новазыбкаў, Чарнігаўская губ. (1916–1920). З 02.1920 па 1924 г. – у Чырвонай арміі, добраахвотнік. Удзельнік Грамадзянскай вайны, Савецка-польскай вайны. Вадзіцель бронемашыны аўтабронероты штаба Мазырскай групы, удзельнік баёў пад г. Кобрынам, Пінскам, Мінскам, Заходні фронт (02.1920–1922). Слесар на Суконнай фабрыцы імя У. І. Леніна (1924–1925), Суконнай фабрыцы імя В. П. Ногіна (1925–09.1927), г. Клінцы, Бранская вобл. Член ВКП(б) з 1925 г. Скончыў Вячэрнюю савецкую партыйную школу, г. Клінцы, Бранская вобл. (1926), Губернскія курсы прапагандыстаў (1927), тэхнічнае аддзяленне рабфака імя РСЧА, г. Смаленск (1930), дарожны факультэт Ленінградскага аўтадарожнага інстытута (1934). Намеснік старшыні Цэнтральнага Савета Аўтадор БССР (01.1934–12.1936). Дырэктар Усесаюзнага хіміка-тэхналагічнага тэхнікума, г. Мінск (12.1936–01.1938). Дырэктар Дзяржбібліятэкі БССР (15.01.–30.11.1938). Інструктар агітацыі і прапаганды ЦК КП(б)Б (30.11.1938–10.1941). Скончыў Курсы ўдасканалення старшага палітсаставу пры Акадэміі імя І. В. Сталіна, г. Масква (1940), 1 курс Маскоўскага дзяржаўнага бібліятэчнага інстытута імя В. М. Молатава (завочнае аддзяленне, факультэт бібліяграфіі, 1941). У РСЧА (06.1941–04.1946). Прызваны Мінскім ГВК БССР. Удзельнік Вялікай Айчыннай вайны з 06.1941 г. Ваяваў пад Мінскам, Гомелем, Рагачовым, Арлом, батальённы камісар, Заходні фронт (06.–10.1941). Скончыў Курсы камісараў пры Вышэйшым палітычным вучылішчы імя У. І. Леніна, г. Масква (1942). Камісар 817-га асобнага аўтатранспартнага батальёна, г. Омск, СібВА (01.–08.1942). Камісар і намеснік камандзіра па палітчастцы 48-га асобнага аўтатранспартнага батальёна, капітан, г. Рубцоўск-Кулунда, СібВА (08.1942–03.1944). Агітатар палітаддзела штаба 2-га ўзмоцненнага Чудаўскага р-на 14-й арміі, Карэльскі фронт (03.–10.1944). Быў кантужаны. Дэмабілізаваны (06.1946). Парторг ЦК КП(б)Б трэста Аўтапрамбуд, г. Мінск (06.–08.1946). 2-гі сакратар па прамысловасці РК КП(б)Б Сталінскага р-на г. Мінска (08.1946–02.1948). Намеснік па палітчастцы начальніка Упраўлення міліцыі г. Мінска (02.1948–01.09.1952). Начальнік ДАІ Баранавіцкай вобл. (01.09.1952–01.09.1953). Начальнік будаўніцтва водасховішча “Ганалес” (Мінскае мора) (07.1954–07.1955). З 07.1955 г. на пенсіі. Маёр у адстаўцы.

Узнагароды: ордэн Чырвонай Зоркі (28.10.1944), медалі “За абарону Савецкага Запаляр’я” (05.12.1944), “За перамогу над Германіяй у Вялікай Айчыннай вайне 1941–1945 гг.” (09.05.1945), “За баявыя заслугі” (31.08.1951).