Берта Майсееўна Райхліна нарадзілася ў х. Бухвалаўшчына/м. Койданава Мінскага павета Мінскай губерні (цяпер Дзяржынскі раён, Мінская вобласць). З сям’і мяшчан.

Скончыла агульнаадукацыйныя курсы, фізіка-матэматычнае аддзяленне педагагічнага факультэта БДУ (1932). Супрацоўнік [ЦСУ], г. Мінск (18.06.1929–?). Настаўнік матэматыкі і фізікі ў СШ г. Мазыра (1932–1935), ст. Калодзішчы (1935–1938), г. Мінска (1938–1941). У перыяд Вялікай Айчыннай вайны знаходзілася ў эвакуацыі, дзе працавала настаўніцай матэматыкі і фізыкі ў СШ (с. Пісмепер, Таншалаўскі р-н, Горкаўская вобл.).

Бібліятэкар (15.08.1945–12.08.1946), старшы бібліятэкар (15.08.1946–01.08.1955), бібліёграф (01.08.1955–25.08.1961), старшы бібліёграф (25.08.1961–01.07.1967) навукова-даследчага аддзела, рэдактар па каталогам (01.07.1967–16.03.1970), рэдактар даведачна-бібліяграфічнага аддзела (01.07.1969–16.03.1970), старшы рэдактар (16.03.1970–01.08.1972) аддзела даведачна-інфармацыйнай работы Дзяржбібліятэкі БССР.

Працы: бібліяграфічныя рэкамендацыйныя матэрыялы “В помощь читателю” (Минск, 1958), “В помощь научно-атеистической пропаганде” (Минск, 1954), “Калгасная бібліятэка” (Мінск, 1951), артыкул “40 лет на библиотечной работе” (Советская библиография. 1962. № 2).

Узнагароды: медаль “За доблесную працу ў Вялікай Айчыннай вайне 1941–1945 гг.” (1946).