Нарадзілася ў с. Корсікі (Разрытае), Корсікаўская воласць, Рослаўльскі пав., Смаленская губ., РСФСР, цяпер вёска Ершыцкага р-на, Смаленская вобл. З сям’і сялян.

Вучоба ў настаўніцкім інстытуце, г. Вязьма, Смаленская вобл. (09.1939–07.1941). У ліпені 1941 г. далучылася да радоў РСЧА. Санінструктар 3-га дывізіёна 537-га гарматна-артылерыйскага палка, Заходні фронт (07.1941–09.1942). Прайшла цяжкія баі за г. Вязьму і баі пад Масквой. Дэмабілізавана з-за хваробы (09.1942). Жыла ў г. Уладзімір, Іванаўская вобл. Загадчык бібліятэкі Рамесніцкага вучылішча № 7 металістаў, г. Уладзімір (11.1942–02.1943). У лютым 1943 г. накіравана на працу ў пас. Камсамольск у якасці камсамольскага арганізатара ЦК ВЛКСМ Рамесніцкага вучылішча энергетыкаў № 12. Член бюро РК ВЛКСМ, пас. Камсамольск, Іванаўская вобл., РСФСР (1943–1944). 06.1944 г. – 2-гі сакратар Камсамольскага РК ВЛКСМ Іванаўскай вобл. Член ВКП(б) з 06.1944 г. У кастрычніку 1944 г. накіравана па камсамольскай лініі на працу ў БССР.

Інструктар аддзела прапаганды і агітацыі ў Абласным камітэце ВЛКСМБ, г. Пінск, Пінская вобл. (10.1944–04.1946). Дырэктар Палаца піянераў, г. Пінск (03.1947–07.1949). Начальнік сектара кадраў аблканторы Дзяржбанка, г. Пінск (03.1950–03.1952). Член БРК прафсаюза фінансава-банкаўскіх работнікаў, г. Пінск (1951). Сакратар першаснай партыйнай арганізацыі, г. Пінск (1951–1952). 03.1952 г. – дырэктар школы рабочай моладзі, с. Целяханы, Івацэвіцкі р-н, Брэсцкая вобл. Вучоба на завочным аддзяленні факультэта рускай мовы і літаратуры Педагагічнага інстытута імя А. С. Пушкіна па спецыяльнасці настаўніка рускай мовы і літаратуры, г. Брэст (1954–25.07.1959). У снежні 1955 г. пераехала ў Маскву, але праз пэўны час вярнулася і працавала бібліятэкарам школы № 3 г. Пінска. Партыйны арганізатар школы № 3 г. Пінска (1957–1958). У лістападзе 1958 г. пераехала ў Мінск. Бібліятэкар (16.03.1961), бібліёграф, старшы бібліёграф (16.02.1963–16.06.1965) Дзяржбібліятэкі БССР. Разам з мужам пераехала ў Маскву.

Узнагароды: ордэн Айчыннай вайны ІІ ст. (06.04.1985), медалі “За абарону Масквы”, “За перамогу над Германіяй у Вялікай Айчыннай вайне 1941–1945 гг.” (1946), “За доблесную працу ў Вялікай Айчыннай вайне 1941–1945 гг.”.