Раманоўская Бася Рувімаўна

Дата рождения: 1902 Мазыр, г., Гомельская вобласць

Дата смерти: ? Мінск, г. (?)

Краткая справка: работнік бібліятэкі

Варианты имени: Раманоўская Бася Раманаўна

Имена на других языках: Романовская Бася Рувимовна (русский);

Бася Рувімаўна Раманоўская нарадзілася ў г. Мазыр Мінскай губерні (цяпер г. Мазыр, Гомельская вобласць). З сям’і рабочых-саматужнікаў.

Прыказчыца ў бакалейным магазіне прыватнага гаспадара Іоніха, г. Мазыр (02.1914–02.1919). Служачая. Загадчык палітасветаддзела павятовага камітэта КСМБ, г. Мазыр (03.1919–11.1920). Член КП(б)Б з 02.1921. Слухачка Цэнтральнай партыйнай школы, г. Мінск (11.1920–09.1921). Загадчык палітасветаддзела Валаснога камітэта КСМБ, м. Слабада, Мазырскі пав. (09.1921–10.1922). Выхавацельніца і загадчык дзіцячага дома, г. Мазыр (10.1922–04.1923). Выхавацельніца дзіцячага дома, г. Мінск (04.1923–03.1927). Загадчык дзіцячага аддзела Бібліятэкі імя А. С. Пушкіна, г. Мінск (03.1927–01.1931). Скончыла Камуністычны ўніверсітэт Беларусі імя У. І. Леніна, г. Мінск (прапагандысцкае аддзяленне, 1934). Загадчык спецыяльнага сектара, першы сакратар партыйнай арганізацыі (01.08.1934–01.11.1939) Дзяржбібліятэкі БССР. Старшы бібліятэкар (11.1939–09.1940), загадчык бібліятэкі (09.1940–24.06.1941), партыйны арганізатар Мінскага Палаца піянераў і школьнікаў імя М. Ф. Гікалы.

У гады вайны знаходзілася ў эвакуацыі. Выхавацельніца, партыйны арганізатар Ілішэўскага дзіцячага дома, с. Верхня-Яркеева, Ілішэўскі р-н, Башкірская АССР (06.1941–08.1944). Вярнулася ў г. Мінск. Дырэктар Дзіцячага дома № 8, г. Мінск (09.–11.1944). Завуч Дзіцячага дома № 12, г. Мінск (11.1944–1945). Завуч Дзіцячага дома № 1, г. Мінск (1945–10.1946). Старшы бібліятэкар (20.10.1946–08.07.1947), загадчык аддзела спецсховішча (08.07.1947–10.12.1957) Дзяржбібліятэкі БССР. Персанальны пенсіянер саюзнага значэння з 10.12.1957 г. Імя Б. Р. Раманоўскай унесена ў “Кнігу Народнай Славы” Дзяржбібліятэкі БССР. (08.08.1972).

Узнагароды: медалі “За працоўную адзнаку” (1938), “За доблесную працу ў Вялікай Айчыннай вайне 1941–1945 гг.” (1946), “За доблесную працу ў азнаменаванне 100-годдзя з дня нараджэння У. І. Леніна 1870–1970” (1970).