Нарадзіўся ў в. Расоны, Полацкі пав., Віцебская губ., цяпер г. п. Расоны, Полацкі р-н., Віцебская вобл.

Скончыў царкоўнапрыходскую школу (1916), педагагічныя курсы (1920). У 1922 г. накіраваны ў Невельскую савецкую партыйную школу I ст. (4-хмесячны курс). Камандзіраваны ў Віцебскую савецкую партыйную школу II ст., якую скончыў у 1925 г. Прызначаны загадчыкам палітасветы Высачанскага РК камсамола. Праз некалькі месяцаў быў пераведзены ў Лёзненскі РК камсамола ў якасці адказнага сакратара. У ліпені 1926 г. уступіў у КП(б)Б. У красавіку 1927 г. – прапагандыст Віцебскага акруговага камітэта КП(б)Б. 11.02.1930 г. – дырэктар Віцебскага музея і па сумяшчальніцтве Віцебскага філіяла Дзяржбібліятэкі БССР. У 1932 г. скончыў Ленінградскі гісторыка-лінгвістычны інстытут. У пачатку 1934 г. выбыў у Мінск на вучобу ў аспірантуру Інстытута гісторыі партыі пры ЦК КП(б)Б. Пасля заканчэння аспірантуры (05.1935) працаваў інспектарам Народнага Камісарыята асветы БССР (1935–1936). У 1936–1940 гг. – настаўнік СШ № 1 г. Гомеля. У 1940–1941 гг. – лектар Гомельскага ГК КП(б)Б. За некалькі месяцаў да пачатку вайны прызначаны дырэктарам Гомельскага абласнога драматычнага тэатра. Удзельнік Вялікай Айчыннай вайны. З 06.1941 г. – камісар Гомельскага палка народнага апалчэння. Дырэктар Дома культуры ў Горкаўскай вобл. (08.1941–10.1942). З 10.1942 г. у радах РСЧА. Камандзір роты 96-га стралковага палка 31-й стралковай брыгады, малодшы лейтэнант. Дэмабілізаваны (09.1945). Працаваў намеснікам дырэктара па навуковай частцы міжабласной партыйнай школы, г. Гродна. З 06.1947 г. – намеснік дырэктара па навуковай частцы, з 09.1953 г. – дырэктар Беларускага музея гісторыі Вялікай Айчыннай вайны. Адзін са стваральнікаў мемарыяльнага комплексу “Хатынь”.

Працы: публікацыі на тэмы: гісторыя КПСС; гісторыя Вялікай Айчыннай вайны; біяграфіі Герояў Савецкага Саюза; гісторыя хрысціянства, хрысціянскіх святаў і інш.