З шматдзетнай сям’і служачага. Нарадзіўся ў Лагойску.

Скончыў сямігадовую працоўную школу г. Лагойска, Мінская вобл. (1926), Мінскія агульна-адукацыйныя курсы працоўнага калектыву працаўнікоў асветы (1927), БДУ (сацыяльна-гістарычнае аддзяленне, педагагічны факультэт, 1931), аспірантуру пры БДУ (1936). З 01.09.1935 г. – в. а. старшага навуковага супрацоўніка бібліяграфічнага сектара Дзяржбібліятэкі БССР.

У радах РСЧА (04.1932–193?; 1941–11.01.1949). Удзельнік Вялікай Айчыннай вайны. Агітатар 45-га гаўбічнага артылерыйскага палка/запаснога стралковага палка 44-й запаснай стралковай дывізіі, УрВА. Старшы лейтэнант, капітан. Дэмабілізаваны.

З 1949 г. працаваў выкладчыкам у Беларускай дзяржаўнай кансерваторыі, Мінскім радыётэхнічным інстытуце, Вышэйшай партыйнай школе пры ЦК КПБ, БДУ. Навуковыя інтарэсы: метафізіка, анталогія. Кандыдат філасофскіх навук (1949), дацэнт.

Працы: Диалектический материализм о материи: диссертация ... кандидата философских наук: 09.00.00. [Б. м.], 1949. 214 с.

Узнагароды: медаль “За перамогу над Германіяй у Вялікай Айчыннай вайне 1941–1945 гг.”