Скончыў Магілёўскі педагагічны інстытут (192?), аспірантуру АН БССР (193?). Кандыдат гістарычных навук (193?). Спецыяліст у галіне нацыянальна-вызваленчай барацьбы беларускага народа. З 13.10.1933 г. – асістэнт Мінскага дзяржаўнага педагагічнага інстытута імя А. М. Горкага. З 05.09.1934 г. – дацэнт кафедры гісторыі СССР Вышэйшай камуністычнай сельска-гаспадарчай школы Беларусі імя У. І. Леніна. Старшы навуковы работнік бібліяграфічнага сектара (з 01.09.1935 г.) Дзяржбібліятэкі БССР. Працаваў у Інстытуце гісторыі АН БССР, па сумяшальніцтве выкладчык у БДУ, дацэнт гістарычнага факультэта (1935–1941). Аўтар, суаўтар 8-мі навуковых прац на рускай, беларускай, украінскай мовах. Член ВКП(б). У радах РСЧА з 16.08.1941 г. Удзельнік Вялікай Айчыннай вайны. Афіцэр Упраўлення гандлю штаба 59-й арміі, інтэндант 3-га рангу; старшы інструктар палітаддзела штаба 376-й стралковай дывізіі, 4-я армія, старшы палітрук. Ваяваў на Ленінградскім фронце. Загінуў на фронце ў 1942 г.