Нарадзілася ў г. Віцебск. З сям’і служачага.

Скончыла СШ № 10, г. Віцебск (1938). 1938–1941 гг. – вучоба ў Тамбоўскім дзяржаўным педагагічным інстытуце на фізіка-матэматычным факультэце, па заканчэнні атрымала кваліфікацыю “педагог-фізік сярэдняй школы”. Педагог на курсах (09.1941–08.1942). Прапагандыст, затым загадчык бібліятэкай і начальнік клуба Эвакуацыйных шпіталяў 2683, 4989, 5949, г. Тамбоў (08.1942–05.1944). Інструктар партбюро Адміністрацыйна-гаспадарчага ўпраўлення НКА (06–10.1944). Вучоба на фізічным факультэце МДУ (Маскоўскі дзяржаўны ўніверсітэт) імя М. Ламаносава (1944–1947). Па заканчэнні прысвоена кваліфікацыя “навуковы работнік у вобласці фізікі і выкладчык ВНУ”.

01.03.1948 г. – прынята на працу ў Дзяржбібліятэку БССР на пасаду бібліятэкара. 16.09.1948 г. – звольнена з бібліятэкі. Пачатак працы па спецыяльнасці ў Мінскім дзяржаўным педагагічным інстытуце імя М. Горкага (09.1948). Старшы выкладчык кафедры фізікі (1950–1964). Дэпутат Кагановіцкага раённага савета дэпутатаў працоўных (1951–1954). Абараніла кандыдацкую дысертацыю ў Маскоўскім педагагічным інстытуце імя У. Пацёмкіна (1957). Абрана па конкурсе на пасаду дацэнта кафедры фізікі (1964). Намеснік дэкана фізічнага факультэта па выхаваўчай працы (1966–1981). Дацэнт кафедры тэарэтычнай фізікі (1981–07.1995). Навуковай спадчынай Галіны Паўлаўны з’яўляецца шэраг выданняў/кніг па фізіцы (кнігі ў Эл. каталозе НББ).

Узнагароды: ордэн Айчыннай вайны ІІ ст. (20.03.1993), медалі “За перамогу над Германіяй у Вялікай Айчыннай вайне 1941–1945 гг.”, “За працоўную адзнаку”, “Заслужаны работнік вышэйшай школы БССР” (1977).