Дата рождения:
01.01.1903 ці 19.12.1905 Івянец, г. п., Валожынскі раён, Мінская вобласць
Дата смерти:
11.06.1979 Мінск, г.
Краткая справка:
педагог, работнік бібліятэкі (памочнік бібліятэкара, старшы бібліёграф, галоўны бібліёграф, загадчык аддзела), узнагароджана медалём
Имена на других языках:
Мильчина Фаня Иосифовна (русский);
2516 символов
Справка
З мнагадзетнай сям’і служачых. Нарадзілася ў м. Івянец, Мінскі пав., Мінская губ., цяпер г. п. Івянец, Валожынскі р-н, Мінская вобл.
З 1912 г. у Мінску. Скончыла гімназію, 3-ю савецкую школу 2-й ступені (1921), БДУ (сацыяльна-гістарычнае аддзяленне, педагагічны факультэт, 1925), Мінскі дзяржаўны педагагічны інстытут імя А. М. Горкага (аддзяленне нямецкай мовы, факультэт замежных моў, 1937). Працоўны стаж з 1925 г. 01.11.1925–01.09.1929 гг. – настаўніца грамадазнаўства сямігадовай школы ў м. Парычы, Бабруйская вобл. (цяпер г. п. у Светлагорскім р-не, Гомельская вобл.). Настаўніца грамадазнаўства і геаграфіі сямігадовай школы ў г. Полацку (01.09.1929–01.09.1930). Бібліятэчны стаж з 1930 г. Старшы памочнік бібліятэкара (15.10.1930–26.01.1939), в. а. загадчыка даведачна-бібліяграфічнага аддзела Дзяржбібліятэкі БССР (20.08.1934–1935). Загадчык гістарычнага кабінета гістарычнага факультэта БДУ (26.01.1939–24.06.1941). У гады вайны была ў эвакуацыі. Бібліёграф рускай рэдакцыйна-выдавецкай групы Цэнтральнай дзяржаўнай Кніжнай палаты Казахскай ССР (03.06.1942–01.05.1944); інспектар палітасветупраўлення НКА Казахскай ССР (01.05.1944–01.09.1945); старшы інспектар па навуковых бібліятэках Камітэта па справах культасветустаноў пры СМ Казахскай ССР (01.09.1945–05.10.1946), г. Алма-Ата. Загадчык аддзела абслугоўвання (01.11.1946–01.06.1947), галоўны бібліёграф бібліятэкі Чарнавіцкага дзяржаўнага ўніверсітэта (01.06.–16.11.1947), Украіна.
У 1947 г. вярнулася ў г. Мінск. Загадчык чытальнай залы бібліятэкі пры ЦК КП(б)Б (01.12.1947–07.05.1948). Загадчык метадычнага кабінета (05.05.1948–01.08.1955), з 01.08.1955 – старшы бібліёграф даведачна-бібліяграфічнага аддзела, галоўны бібліёграф навукова-бібліяграфічнага аддзела (25.08.1961–05.04.1969), член рэдакцыйнага савета і старшыня камісіі па каталогах Дзяржбібліятэкі БССР. Каардынатар бібліяграфічнай працы ў БССР. Выступала з лекцыямі і дакладамі. З 05.04.1969 г на пенсіі.
Працы: аўтар-складальнік аглядаў бібліяграфічнай работы абласных бібліятэк Беларусі за 1966, 1967, 1968; складальнік, сускладальнік рэкамендацыйных бібліяграфічных дапаможнікаў: “На перадавых раўняй свой крок!: аб справах і людзях прамысловасці БССР” (1962), «Список справочных и библиографических изданий для массовых библиотек» (1964), «Издания Государственной библиотеки БССР имени В. И. Ленина за 1960–1965 гг.» (1966) і інш.
Узнагароды: медаль “За доблесную працу ў Вялікай Айчыннай вайне 1941–1945 гг.” (1946), знак Міністэрства культуры СССР “За выдатную работу” (1957).
