Канстанцін Антонавіч Змігродскі нарадзіўся ў Рызе. Скончыў вучылішча тэхнічнага малявання ў Санкт-Пецярбургу (1898) і Кракаўскую акадэмію мастацтваў. У 1906–1914 гг. выкладаў у Віцебскім камерцыйным вучылішчы і вучылішчы Грэкава. У 1909 г. стаў адным з заснавальнікаў і членам гістарычнага таварыства Віцебскай губерні – Віцебскай вучонай архіўнай камісіі, узначаліў яе музей. У час працы ў камісіі падрыхтаваў да выдання каталог манет і медалёў (1911), а таксама каталог усяго музея (1912). З 1914 г. К. А. Змігродскі жыў і працаваў у Швейцарыі, дзе загадваў польскім музеем. У 1917–1924 гг. выканаў памятныя медалі ў гонар вядомых асоб – Т. Касцюшкі, Я. Дамброўскага, Г. Сянкевіча і інш. З 1927 г. працаваў у музеях Польшчы.

Матэрыял падрыхтаваны ў 2016 г.