Кароткая даведка:
тэатральны мастак і партрэтыст, творчасць якога звязана з мастацкім жыццём Беларусі, Літвы і Польшчы
Варыянты імя:
Главацкі Антон
Імёны на іншых мовах:
Glowacki Antoni (не вызначана); Гловацкий Антоний (руская);
1239 сімвалаў
Даведка
У гісторыі партрэтнага і тэатральна-дэкаратыўнага жывапісу Беларусі другой паловы XVIII ст. – першай чвэрці XIX ст. асобае месца займае творчасць прыгонных мастакоў. На жаль, звестак аб іх жыцці і прафесійнай падрыхтоўцы выяўлена вельмі мала. Няшмат захавалася і іх жывапісных твораў.
У шэрагу такіх мастакоў – імя Антона Главацкага.
Прадстаўнік класіцызму, партрэтыст і тэатральны дэкаратар Антон Главацкі доўгі час працаваў у маёнтку генерала С.Г. Зорыча ў Шклове. Шклоўскі тэатр графа С.Г. Зорыча належаў да буйнейшых на Магілёўшчыне. (у 1780–1884 гг. тут існаваў тэатральны будынак).
А. Главацкім было напісана шмат партрэтаў і дэкарацый да спектакляў прыгоннага тэатра. З 1789 г. ён працаваў у Мінску (да 1793 г. – у трупе А.Ш. Жукоўскага, у 1802–1805 гг. – у антрэпрызе М. Кажынскага). З 1794 г. па 1802 г. А. Главацкі быў прыдворным жывапісцам Магілёўскага архіепіскапа Станіслава Богуша-Сестранцэвіча, напісаў яго партрэт. Да гэтага перыяду творчасці мастака адносяцца шматлікія роспісы, зробленыя ім у цэрквах і касцёлах Магілёва, рыхтаваў ілюмінацыі да прыдворных свят. У 1805–1810 гг. А. Главацкі працаваў у Вільні.
