Дзяржаўнае навукова-вытворчае аб'яднанне парашковай металургіі
Дата пачатку:
23 верасня 1960 г. Мінск, г.
Кароткая даведка:
вядучы ў Беларусі міжгаліновы даследчы і вытворчы цэнтр
Скарочаныя назвы:
ДНВА ПМ
Назвы на іншых мовах:
ГНПО ПМ (руская); ГНПО порошковой металлургии (руская); Государственное научно-производственное объединение порошковой металлургии (руская);
Папярэднія назвы:
БД НВК ПМ; БДНВК ПМ; Беларускае рэспубліканскае навукова-вытворчае аб'яднанне парашковай металургіі; Беларускае рэспубліканскае навукова-вытворчае аб’яднанне парашковай металургіі пры Савеце Міністраў БССР; Беларускі дзяржаўны навукова-вытворчы канцэрн парашковай металургіі; Белорусский государственный научно-производственный концерн порошковой металлургии; Белорусское республиканское научно-производственное объединение порошковой металлургии; Белорусское республиканское научно-производственное объединение порошковой металлургии при Совете Министров БССР; БР НВА ПМ; БРНВА ПМ
2401 сімвал
Даведка
Дзяржаўнае навукова-вытворчае аб'яднанне парашковай металургіі (ДНВА ПМ) – вядучы ў Рэспубліцы Беларусь міжгаліновы даследчы і вытворчы цэнтр, які дзейнічае ў ключавых для прамысловага комплексу краіны сферах: парашковай металургіі; кампазіцыйных матэрыялаў; зварачнага абсталявання, тэхналогій і матэрыялаў; матэрыялаў і абсталявання для нанясення ахоўных і функцыянальных пакрыццяў; медыцынскіх матэрыялаў і інструментарыя; сінтэзу і вытворчасці інструмента са звышцвёрдых матэрыялаў і інш.
Афіцыйная дата нараджэння парашковай металургіі Беларусі – 23 верасня 1960 г. – звязана з датай стварэння Цэнтральнай базавай лабараторыі парашковай металургіі Беларускага політэхнічнага інстытута (БПІ).
1962 г. – Цэнтральная базавая лабараторыя рэарганізавана ў Галіновую навукова-даследчую лабараторыю (НДЛ) парашковай металургіі;
1964 г. – лабараторыя пераўтворана ў Праблемную лабараторыю парашковай металургіі БПІ (Распараджэнне Савета Міністраў БССР ад 11.08.1964);
1972 г. – у Беларускім політэхнічным інстытуце на базе Праблемнай лабараторыі створаны Навукова-даследчы інстытут парашковай металургіі (Пастанова Савета Міністраў БССР № 272 ад 07.09.1972);
1980 г. – на базе Інстытута (галаўной арганізацыі) створана Беларускае рэспубліканскае навукова-вытворчае аб’яднанне парашковай металургіі пры Савеце Міністраў БССР (БРНВА ПМ); прынята рашэнне аб будаўніцтве завода парашковай металургіі ў г. Маладзечна – Мал ЗПМ – (Пастанова Савета Міністраў БССР № 52 ад 13.02.1980);
1996 г. – БРНВА ПМ рэарганізаваны ў Беларускі дзяржаўны навукова-вытворчы канцэрн парашковай металургіі – БДНВК ПМ (Пастанова Кабінета Міністраў Рэспублікі Беларусь № 165 ад 04.03.1996);
2006 г. – БГНПК ПМ рэарганізаваны ў Дзяржаўнае навукова-вытворчае аб'яднанне парашковай металургіі – ДНВА ПМ – (Пастанова Прэзідыума НАН Беларусі № 79 ад 24.11.2006).
Сёння ў састаў Дзяржаўнага навукова-вытворчага аб'яднання парашковай металургіі ўваходзяць Інстытут парашковай металургіі імя А. У. Романа; тры гасразліковыя падраздзяленні: Інстытут імпульсных працэсаў, Інстытут зваркі і ахоўных пакрыццяў, канструктарскае бюро «Навуковае прыборабудаванне»; вытворчае рэспубліканскае ўнітарнае прадпрыемства «Маладзечанскі завод парашковай металургіі»; два рэспубліканскія казённыя прадпрыемствы: «Цэнтр утылізацыі авіяцыйных сродкаў паражэння» і «Цэнтр утылізацыі артылерыйскіх і інжынерных боепрыпасаў».
