Інстытут хіміі новых матэрыялаў НАН Беларусі з'яўляецца вядучым у Рэспубліцы Беларусь і адным з лідэраў у краінах СНД у фундаментальных і прыкладных даследаваннях у галіне стварэння тонкаплёнкавых і нанаструктураваных арганічных матэрыялаў, новых кампазіцыйных матэрыялаў з зададзенымі ўласцівасцямі.

Інстытут створаны ў 1998 г. на базе Хіміка-тэхналагічнага цэнтра і Аддзела кінетыкі і рэакцыйнай здольнасці Інстытута фізіка-арганічнай хіміі НАН Беларусі.

У 1998–2007 гг. ІХНМ НАН Беларусі ўваходзіў у склад Аддзялення хіміі і навук аб Зямлі, у ДНВА «Навукова-практычны цэнтр Нацыянальнай акадэміі навук Беларусі па матэрыялазнаўстве» ў складзе Аддзялення фізіка-тэхнічных навук. У 2020 г. ІХНМ НАН Беларусі замацаваны за Аддзяленнем хіміі і навук аб Зямлі.

Навуковая і навукова-тэхнічная дзейнасць ІХНМ НАН Беларусі накіравана на рашэнне задач у інтарэсах Міністэрства прамысловасці, канцэрна «Белнафтахім», канцэрна «Беллеспаперапрам», Дзяржкамваенпрама, Міністэрства сельскай гаспадаркі і харчавання, Міністэрства аховы здароўя і канцэрна «Белбіяфарм», РУП «Криптотех» і Мінская друкаваная фабрыка Дэпартамента Дзяржзнака Міністэрства фінансаў Рэспублікі Беларусь.

ІХНМ НАН Беларусі занесены на Дошку гонару НАН Беларусі за дасягненні ў 2010, 2011, 2012 і 2013 гг. найлепшых вынікаў у навуковай, навукова-тэхнічнай, інавацыйнай і вытворчай дзейнасці.

Навуковыя распрацоўкі ІХНМ НАН Беларусі экспартаваліся ў Саудаўскую Аравію, Рэспубліку Карэя, Кітай, Індыю, В'етнам і іншыя краіны.

Матэрыял падрыхтаваны ў 2026 г.