Кузьмініч Таццяна Васільеўна

Дата нараджэння: 20.06.1960 Гарадзец, в., Горацкі раён, Магілёўская вобласць

Кароткая даведка: бібліятэкар, бібліяграфазнавец, кандыдат педагагічных навук, дацэнт, уладальніца знака Міністэрства культуры Рэспублікі Беларусь "За ўклад у развіццё культуры Беларусі" (2007), узнагароджана медалём "За працоўныя заслугі"

Варыянты імя: Страмужэўская Таццяна Васільеўна

Імёны на іншых мовах: Кузьминич Татьяна Васильевна (руская); Страмужевская Татьяна Васильевна (руская);

Кузьмініч Таццяна Васільеўна нарадзілася 20 чэрвеня 1960 г. у в. Гарадзец Горацкага раёна Магілёўскай вобласці.

Скончыла Мінскі інстытут культуры (спецыяльнасць "бібліятэказнаўства і бібліяграфія", спецыялізацыя "грамадска-палітычная літаратура", кваліфікацыя "бібліятэкар-бібліёграф", 1981); Беларускі дзяржаўны ўніверсітэт (спецыяльнасць "беларуская мова і літаратура", кваліфікацыя "філолаг, выкладчык беларускай мовы і літаратуры", 1995); Беларускі дзяржаўны ўніверсітэт культуры (аспірантура, 1996). Кандыдат педагагічных навук (1997), дацэнт (2003).

Працавала ў Беларускім дзяржаўным ўніверсітэце культуры і мастацтваў выкладчыкам, дацэнтам кафедры тэорыі і гісторыі інфармацыйна-дакументных камунікацый факультэта інфармацыйна-дакументных камунікацый (1996–2003). З 2004 г. – намеснік дырэктара Нацыянальнай бібліятэкі Беларусі па інфармацыйных рэсурсах.

Навуковыя і прафесійныя інтарэсы: бібліяграфазнаўства; гістарычная бібліяграфія; гісторыя беларускай бібліяграфіі; нацыянальныя інфармацыйныя рэсурсы.

Узнагароджана Ганаровай граматай Адміністрацыі Прэзідэнта Рэспублікі Беларусь (2006); нагрудным знакам Міністэрства культуры Рэспублікі Беларусь "За ўклад у развіццё культуры Беларусі" (2007); Ганаровай граматай Міністэрства адукацыі Рэспублікі Беларусь; нагрудным знакам "Юбілейны медаль у гонар 80-годдзя Нацыянальнай акадэміі навук Беларусі" (2010); медалём “За працоўныя заслугі” (2011).