Гісторыя прадпрыемства па перапрацоўцы мяса ў Пінску (Брэсцкая вобласць) пачалася 14 лістапада 1939 г. У перыяд Вялікай Айчыннай вайны камбінат не працаваў. У эксплуатацыю зноў запушчаны ў ліпені 1944 г. адразу пасля вызвалення горада ад нямецка-фашысцкіх захопнікаў. Да канца года тут было выпушчана ўжо 45 т мяса і 2 т каўбасных вырабаў, а асартымент прадукцыі склаў 6 найменняў. Паступова вытворчасць пашырылася, праведзена яе маштабная рэканструкцыя: абсталяванне замянілі на энергаёмістае, пашырылі каўбасны цэх, участкі па вытворчасці сыравэнджаных каўбас і вяндліны, да прадпрыемства на правах філіялаў далучылі Пінскі птушкакамбінат (1964) і сельскагаспадарчае прадпрыемства “Невель” (2005).

У цяперашні час адкрытае акцыянернае таварыства “Пінскі мясакамбінат” – буйное прадпрыемства мясаперапрацоўчай галіны ў складзе холдынга “Канцэрн Брэстмясамалпрам”. Яго вытворчыя магутнасці па перапрацоўцы складаюць 50 т мяса за змену. Тут выпускаецца больш за 300 найменняў мясной прадукцыі (каўбасныя вырабы, далікатэсная прадукцыя, паўфабрыкаты са свініны і ялавічыны, мяса і субпрадукты, харчовыя тлушчы) пад гандлёвай маркай “Пикант”. Вырабы Пінскага мясакамбіната неаднаразова займалі прызавыя месцы на конкурсах “Прадукт года”, “Чэмпіён смаку”, “Лепшыя тавары Рэспублікі Беларусь”, "Лепшыя тавары Рэспублікі Беларусь на рынку Расійскай Федэрацыі", “Лепшы экспарцёр” і інш. Прадпрыемства стала лаўрэатам Прэміі Урада Рэспублікі Беларусь за дасягненні ў галіне якасці (2002, 2011, 2016, 2019, 2022).

Матэрыял падрыхтаваны ў 2024 г.