Кароткая даведка:
сумеснае таварыства з абмежаванай адказнасцю па выпуску панчошна-шкарпэтачных і трыкатажных вырабаў у складзе канцэрна "Беллегпрам", лаўрэат Прэміі Урада Рэспублікі Беларусь за дасягненні ў галіне якасці (2011, 2016)
Назвы на іншых мовах:
"Conte Sра" (англійская); "Конте Спа" (руская);
Папярэднія назвы:
"Контэ"
915 сімвалаў
Даведка
Адным з буйных вытворцаў лёгкай прамысловасці Беларусі з’яўляецца кампанія “Контэ Спа”.
Яе гісторыя пачалася ў Гродне ў 1997 г. У цяперашні час сумеснае таварыства з абмежаванай адказнасцю “Контэ Спа” уваходзіць у склад канцэрна “Беллегпрам” і мае разгалінаваную сетку фірменных магазінаў. У яго структуры дзейнічаюць фарбавальны, упаковачны, вязальныя і швейныя цэхі. Вытворчыя магутнасці складаюць больш за 2 тыс. станкоў. Прадпрыемства выпускае прадукцыю з бавоўны, віскозы, шэрсці, кашаміру пад гандлёвымі маркамі “Diwari”, “Conte Elegant” і “Conte Kids”. Гэта калекцыі мужчынскага, жаночага і дзіцячага адзення, бялізны, легінсаў, калготак і шкарпэтак. Прадукцыя прадпрыемства з’яўляецца пераможцам фестываляў і конкурсаў “Брэнд года”, “Выбар года”, “Народная марка” і інш. СТАА “Контэ Спа” – лаўрэат Прэміі Урада Рэспублікі Беларусь за дасягненні ў галіне якасці (2011, 2016).
